Хоразм вилоятига 2020 йил ҳисобидан амалга оширилган иккинчи ташрифдан кўзланган мақсад — «яна нима имкониятлар бор, қандай кўмак керак» деган саволларни қўйиб, мулоқот қилишдир. Бу ҳақда Президент Шавкат Мирзиёев 13 декабрь куни вилоят фаоллари билан бўлиб ўтган йиғилишда айтиб ўтди.
Шавкат Мирзиёев 12 декабрдан буён Хоразм вилоятида ташриф билан бўлиб турибди. Қайд этиш жоиз, давлат раҳбари 2020 йил март ойида ҳам вилоятда бўлиб, ҳудуддаги янги тўқимачилик корхонаси, «Ҳазорасп» эркин иқтисодий зонаси, Янгиариқ туманидаги замонавий иссиқхона, Ичанқалъада амалга ошириладиган туризм лойиҳалари, Президент мактаби, Жалолиддин Мангуберди мемориал боғи билан танишган, фаоллар йиғилишида қатнашган эди.
Хоразмга бу йил иккинчи марта келяпмиз. Мақсад — сизларнинг кўзларингизга қараб, вилоятдаги долзарб масалаларни муҳокама қилиш, яна нима имкониятлар бор, қандай тартиб, қандай кўмак керак, нима натижа бўлади, деган саволларни қўйиб мулоқот қилиш.Аввалроқ Хоразмдаги фаоллар йиғилиши давомида Президент «маҳалла раиси — ислоҳотчи» тамойили асосида ижтимоий муаммоларни ҳал қилиш бўйича янги тизим жорий этилишини эълон қилгани ҳақида хабар берилган эди.Баландпарвоз гаплар билан иқтисодиётни юритиб бўлмайди. Муаммони билсак, қарор тўғри, адолатли бўлади.
Шавкат Мирзиёев, Ўзбекистон Президенти
Мавзуга доир:
- Шавкат Мирзиёев Хоразмда ишлаб чиқарилаётган саноат маҳсулотларини кўздан кечирди
- Шавкат Мирзиёев маҳсулотларининг 75 фоизи экспортга йўналтирилган текстиль корхонаси билан танишди
- Ўзбекистонда энди туманлардаги иқтисодий комплекс ходимлари ҳар бир маҳаллага бириктирилиб, ўз соҳасига доир масалаларни ҳал қилиб боради
- Шавкат Мирзиёев бешинчи авлод технологиясига эга замонавий иссиқхонани бориб кўрди
Изоҳ (0)