Vazirlar Mahkamasining “Avtomototransport vositasi konstruksiyasini va (yoki) uning qismini o‘zgartirish bilan bog‘liq faoliyatni boshlaganlik yoki tugatganlik haqida xabarnomani taqdim etish va avtomototransport vositasini qayta jihozlashga ruxsatnoma berish tartibi to‘g‘risidagi nizomni tasdiqlash haqida”gi qarori qabul qilindi, deya xabar qilmoqda Norma.
Nizomda quyidagilar belgilangan:
- avtomototransport vositasi konstruksiyasini va (yoki) uning qismini o‘zgartirish bilan bog‘liq faoliyatni boshlaganlik yoki tugatganlik haqida xabarnomani taqdim etish tartibi;
- avtomototransport vositasini qayta jihozlashga ruxsatnoma berish tartibi;
- avtomototransport vositasini qayta jihozlashga va (yoki) avtomototransport vositasi konstruksiyasini va (yoki) uning qismini o‘zgartirishga ruxsat etuvchi talablar va shartlar.
Mazkur qaror kuchga kirgach, Vazirlar Mahkamasining “Avtomototransport vositasi konstruksiyasining va (yoki) uning qismining yo‘l harakati xavfsizligi talablariga muvofiqligi to‘g‘risida guvohnoma va avtomototransport vositasini qayta jihozlashga ruxsatnoma berish tartibi to‘g‘risidagi nizomni tasdiqlash haqida”gi qarori o‘z kuchini yo‘qotgan deb hisoblanadi.
Hujjat 2021-yil 1-yanvarda kuchga kiradi.
Avvalroq O‘zbekistonda tadbirkorlarga yo‘llarda qoidabuzarlikni qayd etuvchi kameralar o‘rnatish va haydovchilik guvohnomasi uchun imtihonlar o‘tkazish huquqi berilgani haqida xabar qilingandi.
Izoh (0)