Hukumatning 2020-yil 16-martdagi “Toshkent shahar yo‘lovchi transporti tizimini takomillashtirish chora-tadbirlari to‘g‘risida”gi 157-sonli qaroriga asosan avtobus yo‘nalishlarining o‘zaro harakat yo‘nalishini takrorlashini kamaytirish maqsadida Toshkent shahridagi yo‘nalishlar tarmog‘ini maqbullashtirish ishlari amalga oshirilmoqda, deb xabar qildi shahar transport boshqarmasi
Unga ko‘ra, 2020-yilning 15-dekabr kunidan 26, 79, 83, 96, 112, 114, 148, 152, 184, 185-avtobus yo‘nalishlari maqbullashtiriladi.
Jumladan:- 26, 83, 114-sonli avtobuslar yo‘nalishi o‘zgartirilmoqda;
- 79, 112, 152-sonli avtobuslar yo‘nalishi yopilmoqda;
- 96, 148-sonli avtobuslar yo‘nalishi qisqartirilmoqda;
- 184, 185-sonli yangi avtobus yo‘nalishi tashkil etilmoqda.
Avvalroq Toshkentda kimo‘zarga harakatlanib, to‘qnashgan ikki avtobus haydovchilari ishdan bo‘shatilgani, Toshkentda yana bir elektrobus sinov tariqasida harakatlana boshlagani hamda Shavkat Mirziyoyev jamoat transporti bo‘yicha hududlardagi rahbarlarning malakasi yetishmasligini tanqid qilgani haqida xabar berilgandi.
Izoh (0)