O‘zbekistonda noyabr oyining 10 kuni ichida 482 ta yong‘in holati qayd etilgan bo‘lib, ushbu ko‘ngilsiz hodisalar oqibatida 11 kishi vafot etgan. Bu haqda FVV boshqarma boshlig‘i Zulfiqor Qilichovga tayanib “Kun.uz” xabar berdi.
Zulfiqor Qilichov so‘nggi kunlarda havo harorati pasaygani yong‘inlar soniga ta’sir qilayotgani, 2019-yilning mos davriga nisbatan ko‘rsatkichlar sezilarli darajada farqlanishi haqida ma’lumot bergan.
“Ming afsuski, ehtiyot choralariga, targ‘ibot tadbirlariga qaramay bu muddatda yong‘inlar soni ortgan. 2020-yilning 18-noyabridan 27-noyabriga qadar, ya’ni 10 kun mobaynida respublikada 482 ta yong‘in qayd etilib, bu hodisalar oqibatida 11 kishi vafot etgan hamda 10 kishi kuyish tan jarohati olgan. 2019-yilning xuddi shu davrida 388 ta yong‘in sodir bo‘lib, 7 kishi vafot etgan, 9 kishi kuyish tan jarohati olgan. Ko‘rinib turibdiki, baxtsiz hodisalar soni salkam 100 taga oshgan”, — deydi FVV boshqarma boshlig‘i.
Mavzuga doir:
Izoh (0)