Ўзбекистонда ноябрь ойининг 10 куни ичида 482 та ёнғин ҳолати қайд этилган бўлиб, ушбу кўнгилсиз ҳодисалар оқибатида 11 киши вафот этган. Бу ҳақда ФВВ бошқарма бошлиғи Зулфиқор Қиличовга таяниб «Kun.uz» хабар берди.
Зулфиқор Қиличов сўнгги кунларда ҳаво ҳарорати пасайгани ёнғинлар сонига таъсир қилаётгани, 2019 йилнинг мос даврига нисбатан кўрсаткичлар сезиларли даражада фарқланиши ҳақида маълумот берган.
«Минг афсуски, эҳтиёт чораларига, тарғибот тадбирларига қарамай бу муддатда ёнғинлар сони ортган. 2020 йилнинг 18 ноябридан 27 ноябрига қадар, яъни 10 кун мобайнида республикада 482 та ёнғин қайд этилиб, бу ҳодисалар оқибатида 11 киши вафот этган ҳамда 10 киши куйиш тан жароҳати олган. 2019 йилнинг худди шу даврида 388 та ёнғин содир бўлиб, 7 киши вафот этган, 9 киши куйиш тан жароҳати олган. Кўриниб турибдики, бахтсиз ҳодисалар сони салкам 100 тага ошган», — дейди ФВВ бошқарма бошлиғи.
Мавзуга доир:
Изоҳ (0)