ESPN talqini bo‘yicha yilning eng yaxshi hujumchisi va murabbiyi aniqlandi

ESPN telekanali talqiniga ko‘ra Argentina terma jamoasi va “Barselona” vakili Lionel Messi 2020-yilning eng yaxshi hujumchisi deya topildi.

Kuchli uchlikka Kilian Mbappe (PSJ) va Krishtianu Ronaldu (“Yuventus”) kirgan. Top-10 ro‘yxatdan, shuningdek, Neymar (PSJ), Muhammad Saloh (“Liverpul”), Pyer-Emerik Obameyang (“Arsenal”), Son Hyon Min (“Tottenhem”), Paulo Dibala (“Yuventus”), Markus Reshford (“Manchester Yunayted”) va Yosip Ilichich (“Atalanta”) ham o‘rin olgan.

Yilning eng yaxshi murabbiyi sifatida “Liverpul” ustozi Yurgen Klopp e’tirof etildi. Kuchli o‘nlikdan esa quyidagi murabbiylar joy egallagan: Xans Diter Flik (“Bavariya”), Xosep Gvardiola (“Manchester Siti”), Jan Pyero Gasperini (“Atalanta”), Yulian Nagelsman (“Leypsig”), Marselo Byelsa (“Lids”), Diyego Simeone (“Atletiko”), Xulen Lopetegi (“Sevilya”), Zinedin Zidan (“Real”) va Karlo Anchelotti (“Everton”).