Япония халқаро ҳамкорлик агентлиги (JICA) томонидан Афғонистон, Қозоғистон, Қирғизистон, Тожикистон, Туркманистон ва Ўзбекистон манфаати учун «Чигиртка назоратини такомиллаштириш тўғрисида (II босқич)» лойиҳасини ишга туширди. Бу ҳақда БМТ Озиқ-овқат ва қишлоқ хўжалиги ташкилотининг (FAO)нинг Ўзбекистон FAO ваколатхонаси «Дарё»га маълум қилди.
Хабарга кўра, лойиҳаси 1 декабрь куни расман ишга туширилган. Лойиҳа учун олинган умумий маблағ 7,5 миллион долларни ташкил этади. Минтақавий ҳамкорликни янада ривожлантириш режалаштирилган ушбу лойиҳа давомида семинарлар, ахборот ва тажриба алмашишни ўз ичига олади.
Шунингдек, чигиртка назорати учун масъул миллий мутахассислар малакасини ошириш режалаштирилган. Бундан ташқари, зараркунандаларга қарши курашни такомиллаштириш учун ускуналар етказиб берилади. Бу чигирткалар тарқалишини яхшироқ тахмин қилиш ва уларнинг ҳалокатини камайтиришга имкон беради. Шу билан бирга, камроқ токсик пестицидлар ва зараркунандаларга қарши биологик препаратлардан фойдаланган ҳолда чигиртка эпидемиясига қарши чора-тадбирларнинг такомиллаштирилган механизми жорий этилади.
«Заҳарли кимёвий моддаларнинг инсон саломатлиги ва атроф-муҳитга салбий таъсирини камайтиришга алоҳида эътибор қаратилади. Бу шахсий ҳимоя воситалари билан таъминлаш ва бошқа тадбирларни ўз ичига олади. Лойиҳа маҳаллий аҳоли ўртасида янада самарали чигиртка назорати усуллари ва хавфсизлик чоралари ҳақида хабардорликни оширади», — дейди Ўзбекистон FAO ваколатхонасининг лойиҳа координатори Шерзод Умаров.
Лойиҳа таҳдидларнинг олдини олиш ва зараркунандаларга қарши зарарларни камайтириш орқали озиқ-овқат хавфсизлигини таъминлаш ва Марказий Осиё ва Афғонистон қишлоқ аҳолисининг фаровонлигини оширишга ёрдам бериши кутилмоқда.
Аввалроқ Япония ҳукумати ва Бирлашган Миллатлар Ташкилотининг Озиқ-овқат ва қишлоқ хўжалиги ташкилоти Марказий Осиёда чигирткага қарши курашни кучайтириш бўйича лойиҳага 7,25 миллион доллар ажратиши ҳақида хабар берилган.
Изоҳ (0)