“Barselona” Chempionlar Ligasi 5-turi doirasida kechgan bahsda “Ferensvarosh”ni mag‘lub etdi (3:0).
Uchrashuvning 28-daqiqasida Usmon Dembele penaltini golga aylantirdi.
Shu tariqa “Barselona” musobaqaning ketma-ket beshta turida penalti ijro etgan tarixdagi ilk jamoaga aylandi.
Avvalroq Lionel Messi “Dinamo Kiyev”, “Yuventus” va “Ferensvarosh”ga qarshi o‘yinlarda 11 metrlik jarima zarbasini aniq ijro etgan bo‘lsa, Martin Breytueyt “Dinamo”ga qarshi o‘yinda penaltini golga aylantirgandi.
“Barselona” 5-turdan keyin 15 ochko to‘plagan holda birinchi o‘rinda ketmoqda va Chempionlar Ligasi 2020/21-yilgi mavsumida ochko yo‘qotmagan yagona jamoa bo‘lib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)