«Барселона» Чемпионлар Лигаси 5-тури доирасида кечган баҳсда «Ференцварош»ни мағлуб этди (3:0).
Учрашувнинг 28-дақиқасида Усмон Дембеле пенальтини голга айлантирди.
Шу тариқа «Барселона» мусобақанинг кетма-кет бешта турида пенальти ижро этган тарихдаги илк жамоага айланди.
Аввалроқ Лионель Месси «Динамо Киев», «Ювентус» ва «Ференцварош»га қарши ўйинларда 11 метрлик жарима зарбасини аниқ ижро этган бўлса, Мартин Брэйтуэйт «Динамо»га қарши ўйинда пенальтини голга айлантирганди.
«Барселона» 5-турдан кейин 15 очко тўплаган ҳолда биринчи ўринда кетмоқда ва Чемпионлар Лигаси 2020/21 йилги мавсумида очко йўқотмаган ягона жамоа бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)