Yaponiyada imperator oilasining Yangi yil sharafiga fuqarolar oldiga an’anaviy tarzda chiqishi pandemiya sababli bekor qilindi, deb yozadi “Kommersant”, imperator saroyi boshqarmasiga tayanib. O‘tgan yili tantanaga qariyb 70 ming kishi tashrif buyurgan edi.
“Reyva boshqaruv davrining uchinchi yili (2021-yil) 2-yanvar kuni fuqarolar tomonidan imperator saroyiga Yangi yil munosabati bilan tashrif buyurilishini yangi turdagi koronavirus tarqalishining oldini olish maqsadida bekor qilishga qaror qilindi”, — deyiladi boshqarma xabarida.
Odatda tadbir chog‘ida imperator oilasi fuqarolarni Yangi yil bilan tabriklash uchun saroy balkoniga chiqadi. Shu kuni yopiq saroy hududi tashrif buyuruvchilar uchun qisman ochiladi.
18-noyabr kuni Tokioda COVID-19’ga chalinish holatlari bo‘yicha sutkalik rekord o‘rnatilgan edi — bir kecha-kunduzda 493 kishi kasallangan.
Worldometer ma’lumotlariga ko‘ra, 27-noyabr holatiga Yaponiyada 137 261 kishi koronavirusga chalingan, 116 378 bemor sog‘aygan, 2022 kishi vafot etgan.
Izoh (0)