Futbol bo‘yicha Yevropa Chempionlar Ligasining 4-turidan o‘rin olgan ikki o‘yin 25-noyabr, chorshanba kuni bo‘lib o‘tdi.
“Manchester Siti” jamoasi safarda “Olimpiakos” bilan bahs yuritdi. Fil Fodenning 36-daqiqadagi yagona goli “shaharliklar”ga g‘alaba olib keldi.
Bu orqali Pep Gvardiola shogirdlarining ochkolari 12 taga yetdi va jamoa muddatidan avval pley-off bosqichiga yo‘l oldi.
Yana bir uchrashuv B guruhi vakillari o‘rtasida kechdi. Myunxengladbaxning “Borussiya”si o‘z uyida “Shaxtyor”ni qabul qildi. Lars Shtindl, Niko Elvedi, Breel Embolo va Oskar Vendt tomonidan urilgan gollar nemis klubiga yirik hisobdagi g‘alabani taqdim etdi.
Shu tariqa ushbu g‘alabadan keyin “Borussiya M”ning ochkolari 8 taga yetdi. “Shaxtyor” hisobida esa 4 ochko mavjud.
Chempionlar Ligasi
4-tur bahslari
25-noyabr, chorshanba
B guruhi
“Borussiya M” Germaniya — “Shaxtyor” Ukraina 4:0
Gollar: 1:0 – 17, penalti Shtindl, 2:0 – 34 Elvedi, 3:0 – 45 Embolo, 4:0 – 77 Vendt.“Borussiya M”: Zommer, Layner, Ginter, Elvedi, Vendt, Shtindl (Benesh, 81), Noyxaus (Zakariya, 69), Lazaro (Herrmann, 69), Kramer, Embolo (Plea, 69), Tyuram (Traore, 84).
“Shaxtyor”: Pyatov, Matviyenko, Krivsov, Bondar, Dodo, Stepanenko, Alan Patrik (Maykon, 81), Solomon (Fernando Pedro, 59), Marlos (Markos Antonio, 71), Tete, Morayes.
Ogohlantirishlar: Stepanenko (45), Lazaro (48), Layner (90).
C guruhi
“Olimpiakos” Gretsiya — “Manchester Siti” Angliya 0:1
Gol: 0:1 – 36 Foden.“Olimpiakos”: Joze Sa, Dreger (Vrusay, 66), Ba, Sisse, Rafinya, Masuras (Sudani, 78), Mvila, Pepe (Buxalakis, 71), Kamara, Fortunis, Ruben Semedu.
“Manchester Siti”: Ederson, Mendi (Zinchenko, 78), Joau Kanselu, Ruben Diash, Stounz, Rodri (Fernandinyo, 76), Gundo‘g‘an (Doyl, 86), Foden, Bernardu Silva, Sterling (Mahrez, 76), Gabriel Jezus (Aguero, 78).
Ogohlantirishlar: Rafinya (39), Sterling (39), Ruben Diash (54), Gundo‘g‘an (86).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)