Boks bo‘yicha og‘ir vazn toifasida sobiq Jahon chempioni Mayk Tayson (50-6, 44 KO) to‘rtta divizion sobiq chempioni Roy Jonsga (66-9, 47 KO) qarshi jangda qancha mablag‘ ishlab topishi ma’lum bo‘ldi.
Yahoo Sports jurnalisti Kevin Ayolening xabar qilishicha, Taysonning kafolatlangan gonorari 10 million dollarni tashkil etadi. Jons esa 3 millionga ega chiqadi. Bunda pulli translyatsiyalardan tushadigan ulush hisobga olinmagan.
Ikki afsona o‘rtasidagi ko‘rgazmali jang Toshkent vaqti bilan 29-noyabr tongida Los-Anjelesda (AQSh) bo‘lib o‘tadi. 54 yoshli Tayson va 51 yoshli Jons o‘rtasidagi jang 8 raunddan iborat bo‘lishi belgilangan.
Izoh (0)