Samsung kompaniyasi yil oxirida hamyonbop segmentini sig‘imi 5000 mA/soatga teng akkumulyatorlar o‘rnatilgan birdaniga ikkita smartfon orqali to‘ldirishga qaror qildi, biroq savdolar 2021-yilda boshlanadi, deb xabar beradi Hi-Tech.Mail.ru.
GalaxyA12 HD+ sifatni qo‘llab-quvvatlovchi 6,5 dyuymli displey, plastik korpus va yon tomonda joylashgan barmoq izi skaneriga ega bo‘lgan. Shuningdek, uning to‘rtta kamerasi bor — asosiysi 48 megapiksel, 5 megapikselli keng burchakli va alohida makro modul hamda chuqurlikni o‘lchashga mo‘ljallangan 2 megapiksel datchik.
Biroq smartfonning o‘ziga xosligi uning 5000 mA/soatli akkumulyatorida, buning yordamida gadjet ikki kun uzluksiz ishlay oladi.
Galaxy A02S ham xuddi shunday 6,5 dyuymli displey va plastik korpusga ega bo‘lgan, biroq unda barmoq izi skaneri yo‘q. Kamerasi ham biroz sodda — 13 megapikselli asosiy va 2 megapikseldan ikkita qo‘shimcha sensor. Akkumulyatorga o‘zgartirish kiritilmagan, biroq quvvatlantirish uchun eskirgan microUSB razyomidan foydalaniladi.
Ushbu smartfonlar anonsi hozircha faqat Yevropa bozorlari uchun o‘tkazilgan. Galaxy A12 3/32 gigabayt versiyasi yanvarda 179 yevrodan, Galaxy A02S 3/32 gigabayt esa fevral oyida 150 yevrodan sovutga chiqadi.
Avvalroq Samsung flagmanlarga xos texnik jihatlarga ega Galaxy S20 FE modelini taqdim etgani, shuningdek, internetda Samsung Galaxy S21’ning ilk sifatli suratlari paydo bo‘lgani to‘g‘risida xabar berilgandi.
Izoh (0)