Toshkent viloyati Zangiota tumanida suv ta’minotiga noqonuniy ulangan fuqaroga jarima yozmaslikni aytib ulardan pora talab qilgan MChJ bosh muhandisi qo‘lga olindi, deya xabar bermoqda Bosh prokuratura “Daryo”ga.
Qayd etilishicha, Bosh prokuratura huzuridagi departamentning Zangiota tuman bo‘limi tomonidan tezkor tadbir o‘tkazilgan.
Unda “O‘zsuvta’minot” ta’sischiligidagi “Musaffo obi hayot” MChJ (davlat ulushi mavjud korxona) bosh muhandisi R.N. Beruniy ko‘chasidagi 12 ta xonadonni noqonuniy suv ta’minotiga ulanganligi bo‘yicha katta miqdorda jarimaga tortmaslik va ushbu noqonuniy ulanishlarni qonuniy tartibda hujjatlashtirib berish evaziga fuqaro X.X.dan 8 million so‘m pora talab qilgan.
Mavzuga doir: O‘zbekistonda mansabdor shaxs tomonidan noqonuniy boylik orttirganlik uchun jinoiy javobgarlik belgilash taklif etilmoqda
Holat yuzasidan R.N.ga nisbatan Jinoyat kodeksining 210-moddasi 2-qismi (pora olish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Samarqanddan Termizga eltib qo‘yish evaziga yo‘lovchidan 1400 rubl talab qilgan poyezd kuzatuvchisi, Sirdaryoda fuqaroni Chimkentdagi universitetga 2700 dollar evaziga o‘qishga kiritib qo‘yishni va’da qilgan shaxs hamda Namanganda MIB tuman bo‘limi boshlig‘i o‘rinbosari 2 ming dollar pora bilan qo‘lga olingani haqida xabar berilgandi.
Izoh (0)