Sirdaryo viloyati Guliston shahrida fuqarolarga 1100 dollar evaziga haydovchilik guvohnomasi olib berishni va’da qilgan MChJ rahbari o‘rinbosari qo‘lga olindi, deya “Daryo”ga xabar qilmoqda Bosh prokuratura.
Bosh prokuratura huzuridagi departament hamda DXXning Guliston shahar bo‘limlari tomonidan tezkor tadbir o‘tkazilgan.
Tadbirda Sirdaryo avtomobil o‘quv ishlab chiqarish kombinati MChJ direktori o‘rinbosari Sh.R. fuqarolar O.A. va L.A.ning haydovchilik guvohnomalarini katta yuk tashuvchi avtomashinalarni boshqarish huquqini beruvchi C va E toifasiga tanishlari orqali o‘zgartirib berish evaziga firibgarlik yo‘li bilan 1 100 AQSh dollarini olgan vaqtida ashyoviy dalil bilan ushlangan.
Mavzuga doir: O‘zbekistonda 9 oyda korrupsiyaga oid jinoyatlar sodir etgan mansabdor shaxslar haqidagi ma’lumot ochiqlandi
Avvalroq Transformator o‘rnatib berish evaziga 3800 dollar so‘ragan “Andijon hududiy elektr tarmoqlari” xodimi, Samarqandda kollejga kiritib qo‘yish evaziga fuqarodan 400 dollar olayotgan shaxs hamda Toshkentda Kamerun fuqarosini tutqunlikda saqlagan jinoiy guruh qo‘lga olingani haqida xabar berilgan edi.
Izoh (0)