Internetda dunyodagi eng qimmat himoya niqobining suratlari paydo bo‘ldi, deb yozadi Forbes.
Gap 250 gramm 18 qirotli oltindan yasalgan va umumiy og‘irligi 210 qirot bo‘lgan 3608 dona tabiiy qora hamda oq brilliantlar bilan bezatilgan aksessuar haqida ketmoqda. Uning narxi 1,5 million dollar turadi.
Niqob Los-Anjelesdagi xitoylik biznesmenning buyurtmasiga asosan Isroilning Yvel zargarlik kompaniyasi tomonidan yasalgan. Erkak o‘zining kimligini oshkor etishni istamagan, biroq u kolleksioner ekanligi ma’lum. Bundan tashqari, uning talablaridan yana biri niqob yuqori darajadagi himoyaga ega bo‘lishi va zararli zarralarni o‘tkazmasligi kerak.
Kompaniya hammuassisi Isaak Levining ma’lum qilishicha, buyurtmachi — uning uzoq yillik mijozi. Uning so‘zlariga ko‘ra, biznesmen “ko‘plab shov-shuvni yuzaga keltiradigan” buyurtmani amalga oshirishni istagan, shu sababli Levi buning uchun 25 ta eng yaxshi usta va olmos yo‘nuvchilarni ishga yollagan. Dunyodagi eng qimmat himoya niqobi ustida ishlar uch oy davom etgan.
Avvalroq hindistonlik erkak koronavirusdan himoyalanish uchun o‘ziga 4 ming dollarga tilla niqob yasattirgani to‘g‘risida xabar berilgandi.
Izoh (0)