«Барселона» президентлигига даъвогар Виктор Фонт каталонлар бошқарувига тайинланадиган бўлса, «Реал» ҳимоячиси Серхио Рамосни қўлга киритишга тайёр эканини айтди.
«Агар Хави мендан сўраса ва бу молиявий томондан тўғри келса, Рамосни жамоага олиб келган бўлардим», — дейди Фонт.
Шу билан бирга Фонт марказий ҳимоя чизиғига «Манчестер Сити» ҳимоячиси Эрик Гарсия ёки «Ювентус» вакили Маттейс де Лигтни олиб келишни маъқул кўриши ҳақида гапирди.
Аввалроқ Фонт «Барселона» президентлигига сайланадиган бўлса, Хавини бош мураббийлик лавозимига таклиф этишини бир неча бор айтганди.
Эслатиб ўтамиз, испаниялик футболчининг «қаймоқранглилар» билан амалдаги шартномаси 2021 йилнинг ёзида ўз ниҳоясига етади. Томонлар ҳали битимни узайтириш борасида бир тўхтамга келмаган. Аввалроқ унга ПСЖ ва «Манчестер Сити»дан қизиқиш борлиги хабар қилинганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)