Shimoliy Koreya yetakchisi Kim Chen In so‘nggi 25 kun ichida birinchi marta omma oldida ko‘rinish berdi. “RBK”ning Yonhap agentligiga tayanib xabar berishicha, u Koreya Ishchilar partiyasi siyosiy byurosining kengaytirilgan yig‘ilishida ishtirok etdi.
Yig‘ilishda Kim Chen In qatnashgani haqida Koreya Markaziy telegraf agentligi (KMTA) ma’lum qilgan. Unda mamlakat sog‘liqni saqlash tizimini mustahkamlash va koronavirus pandemiyasi fonida epidemiyaga qarshi choralar muhokama qilingan.
Xabarda aytilishicha, Kim Chen In so‘nggi marta oktabr oyining oxirlarida ommaga ko‘rinish bergan. O‘shanda KXDR yetakchisi Koreya urushida qatnashgan xitoylik askarlar dafn etilgan Janubiy Pxenyan provinsiyasidagi qabristonni ziyorat qilgan.Bu haqdagi xabar 22-oktabr kuni e’lon qilingan. KXDRning davlat OAVlari odatda o‘z rahbarining xatti-harakatlari to‘g‘risida odatda ertasi kuniyoq xabar beradi, deb yozmoqda agentlik.
Bunga qadar Kim Chen In bahorda ikki marta ko‘rinmay ketgandi. Aprel oyida u 10 kun jamoatchilikka ko‘rinish bermagan, shu jumladan Kim Chen Inning bobosi bo‘lgan KXDR asoschisi Kim Ir Sen tug‘ilgan kuni munosabati bilan o‘tkazilgan an’anaviy tantanali marosimda ishtirok etmagan. OAVlar Shimoliy Koreya yetakchisining uzoq vaqt ko‘rinmay qolganini uning sog‘lig‘i bilan bo‘liq bo‘lishi mumkin, deb taxmin qilgan.
Izoh (0)