«Ливерпуль» ҳужумчиси Муҳаммад Салоҳнинг Миср терма жамоаси йиғинида коронавирусга топширган тести ижобий натижа берди. Бу ҳақда Миср футбол федерацияси хабар қилди.
Футболчида касаллик аломатларсиз ўтмоқда. Терма жамоанинг қолган ўйинчиларида тест натижалари коронавирусга салбий хулоса берган.
Шу тариқа Салоҳ Миср терма жамоасининг ноябрь ойидаги ўйинларини ўтказиб юборади.
Аввалроқ «Ливерпуль» сафида Тиаго Алькантара, Садио Мане, Наби Кейта, Жердан Шакири ва Костас Цимикас COVID-19 инфекциясига чалинганди.
«Қизиллар»нинг кейинги ўйини 21 ноябрь куни Премьер Лига пешқадами «Лестер»га қарши бўлади.
Маълумот учун, коронавирусдан ташқари жамоага жароҳатлар муаммо туғдирмоқда. Виржил ван Дейк, Тиаго Алькантара, Жо Гомес, Фабиньо ва Трент Александер-Арнольд каби етакчи футболчилар турли жароҳатлар сабаб сафдан чиққан.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)