Yengil vazn toifasida UFC sobiq chempioni Eddi Alvares nima sababdan 2016-yilda Habib Nurmagomedov bilan jang qilishdan bosh tortganini aytdi.
2016-yilda amaldagi chempion rossiyalik yakkakurashchi bilan jang qilishdan bosh tortgan va Konor Makgregorni tanlagandi. Yakunda Konor ikkinchi raunddagi texnik nokaut evaziga g‘alaba qozongan va chempionlik kamarini qo‘lga kiritgandi.
Alvares bu qarorini pul evaziga qilganini tan oldi. Makgregorga qarshi jang uchun kattaroq gonorar belgilangan.
“Bu jang 2,5 million dollarga farq qilardi. Mana nima uchun”, — deya yozadi Alvares.
36 yoshli yakkakurashchi 2003-yildan buyon MMA’da faoliyat yuritadi. Amerikalik jangchining hisobida 30 g‘alaba va yetti mag‘lubiyat mavjud. Shuningdek, bitta jang natijasi bekor qilingan. Eddi o‘z vaqtida Entoni Pettis, Rafael dos Anyos va Jastin Getji kabi kuchli raqiblarni taslim etgan.
Izoh (0)