Armaniston bosh vaziri Nikol Pashinyan Tog‘li Qorabog‘dagi urushni tugatish to‘g‘risida bitim imzolanganini e’lon qilganidan keyin 10-noyabrga o‘tar kechasi Yerevanda tartibsizliklar boshlandi, deya xabar qilmoqda Meduza.
Turli xil taxminlarga ko‘ra, kelishuvdan norozi bo‘lgan yuzlab yoki minglab namoyishchilar mamlakat hukumati va parlamenti yaqinidagi Yerevanning markaziy maydoniga keldi.
https://twitter.com/AlArabiya_Eng/status/1326045441780277248
Ular “Biz bundan voz kechmaymiz!” – deb o‘z noroziliklarini bildirgan. Shuningdek, Pashinyan va Armanistonning sobiq rahbarlarini haqorat qilingan.
Namoyishchilar taxminan tungi soat 2:30 (Toshkent vaqti bilan 3:30) qarshilikka duch kelmasdan, hukumat va parlament binolariga bostirib kirgan. Namoyishchilar Pashinyanni qidirishgan, ammo u binoni tark etishga ulgurgan. Keyin namoyishchilarning bir qismi bosh vazir qarorgohiga borgan.https://twitter.com/ConflictsW/status/1325936874897231874
Pashinyanning so‘zlariga ko‘ra, uning yashash joyidan kompyuter, soat, atir, haydovchilik guvohnomasi va boshqa narsalar o‘g‘irlangan. Hozirda Pashinyan Armanistonda ekanligini ma’lum qilgan. Bundan tashqari, namoyishchilar Armaniston parlamenti spikeri Ararat Mirzoyanni kaltaklagan.
https://youtu.be/UX8D9x7u6x4
https://youtu.be/S4sTCA82-xM
https://youtu.be/Osmnx7ieuSs
https://twitter.com/derechopenal/status/1326042657706094594
Eslatib o‘tamiz, Armaniston, Ozarbayjon va Rossiya yetakchilari 9-noyabr kuni kechqurun Qorabog‘da janglarni to‘xtatish haqida uch tomonlama shartnoma imzoladi. Sulh shartlari Kelbajar, Agdam, Lochin tumanlari va Gazax tumanida Armaniston tomoni egallab turgan hududlar Ozarbayjon nazorati ostiga berilishini nazarda tutadi. Eni 5 kilometr keladigan Lochin koridori Armaniston ixtiyorida qolib, u Tog‘li Qorabog‘ va Armaniston o‘rtasidagi aloqani ta’minlab turadi.
Keyinroq Pashinyan o‘z Facebook’ida jonli efirga chiqib, uning tinchlik shartnomasini imzolashdan boshqa chorasi bo‘lmaganini aytdi. Tafsilotlar haqida yaqin kunlarda ma’lumot berishni va’da qildi. Shuningdek, u Yerevandagi tartibsizliklar ishtirokchilari javobgarlikka tortilishini aytdi.
Izoh (0)