O‘zbekiston sog‘liqni saqlash vazirining o‘rinbosari Abdulla Azizov o‘zining Facebook’dagi sahifasi orqali Prezident Shavkat Mirziyoyev Sog‘liqni saqlash vazirligini boshqa binoga ko‘chirishga rozilik berganini yozib qoldirdi.
Har safar Prezident bilan suhbatda ulardan rosa kuchli energiya olaman. Kecha 3-suhbatim bo‘lgan bo‘lsa, rosa kuchli energiya oldim. Kim Prezident bilan suhbat qilgan bo‘lsa, buni yaxshi tushunadi. “Xalqim, yurtdoshlarimiz, aholimiz”, deganlarida yurakdan chiqishini gaplashgan odam juda yaxshi his qiladi va energiyaga to‘yib oladi.Vazir o‘rinbosarining xabarida vazirlik uchun alohida yangi bino quriladimi yoki u poytaxtda mavjud binolardan biriga ko‘chadimi, bunga aniqlik kiritilmagan.Hurmatli Prezident, sizga katta rahmat! Kecha hamma takliflarimga rozilik berganingiz uchun, Sog‘liqni saqlash vazirligiga boshqa katta bino istagimga rozilik berganingiz uchun, har bir chiqqan hamkasblarimni qo‘llab-quvvatlaganingiz uchun. Oldimizga qo‘yilgan juda ulkan vazifalarni vaqtidan avval va vijdonan, fidokorona amalga oshirib, yurtdoshlarimizga kuchli sog‘liq ulashib, umrlarini uzaytirib, siz va xalqimizning oldida yuzimiz yorug‘ yurishi nasib etsin.
Abdulla Azizov, sog‘liqni saqlash vazirining o‘rinbosari
Eslatib o‘tamiz, 19-oktabr kuni bo‘lib o‘tgan videoselektor yig‘ilishida Prezident Shavkat Mirziyoyev 2021-yilda sog‘liqni saqlash sohasiga qariyb 20 trillion so‘m, shundan koronavirusga qarshi kurashish tadbiralari uchun 3 trillion so‘m hamda dori-darmon xaridiga 1,8 trillion so‘m ajratilishi ko‘zda tutilganini ma’lum qilgan edi.
Ma’lumot uchun, Abdulla Azizov 2006-yilda Daniyaning Orxus texnika kollejini IT-dasturchi mutaxassisligi bo‘yicha tamomlab, ushbu yo‘nalishda mehnat faoliyatini boshlagan. 2019-yilning may—avgust oylarida qo‘mitada ekspert sifatida faoliyat olib borgan. 2019-yilning sentabrida esa Soliq qo‘mitasi raisining IT-texnologiyalarini joriy qilish bo‘yicha o‘rinbosari etib tayinlangandi.
U 2019-yilda IT-texnologiyasidan foydalangan holda paxta terimi jarayonida inson ishtirokini kamaytirib, paxta unumini oshirishishga bag‘ishlangan tanlov o‘tkazmoqchi bo‘lgan va g‘olibga 200 ming dollar va’da qilgandi. Shu yilning iyulida Prezident qarori bilan Azizov sog‘liqni saqlash vazirining o‘rinbosari etib tayinlangan.
Prezident Shavkat Mirziyoyev 6-noyabr kuni sog‘liqni saqlash tizimining birlamchi bo‘g‘inini takomillashtirish hamda aholi o‘rtasida sog‘lom turmush tarzini shakllantirish chora-tadbirlari yuzasidan o‘tkazilgan videoselektor yig‘ilishida Abdulla Azizov haqida to‘xtalib o‘tib, O‘zbekiston tibbiyotiga tezroq raqamlashtirish va telemeditsinani olib kirish kerakligini ta’kidlab, unga qo‘rqmaslikni tayinlagandi.
“O‘zbekistonga kelganingdan va yangicha tajribalar bilan og‘ir sharoitlarda bizga yelkadosh ekaningdan minnatdorman. Esingdan chiqarma, tibbiyotimizga tezroq o‘zing aytgan raqamlashtirishni olib kirishimiz kerak. Tibbiyot muassasalariga telemeditsinani olib kirishimiz kerak. Qo‘rqma, ortingda men turibman”, — degan edi Shavkat Mirziyoyev.
Izoh (0)