IMZO tomonidan tashkillashtirilgan bolalar rasmlari xayriya ko‘rgazmasi 10-noyabrdan ochiladi. Dip-tech texnologiyasida shishaga chop etilgan barcha rasmlar 23-sonli Mehribonlik uyi tarbiyalanuvchilari tomonidan chizilgan.
IMZO Dip-tech – bu keramik siyohni shishaga chop etishning noyob texnologiyasi bo‘lib, deyarli barcha formatdagi har qanday dizayn yoki suratlarni eng yuqori sifatda shishada bosib chiqarish imkonini beradi. Suratlar ultrabinafsha nurlari, kimyoviy ta’sirlar, namlik kabi har qanday tashqi ta’sirlarga chidamlidir.
Uy, oila, do‘stlik, tabiat va orzular mavzulariga oid rasmlar chizish ijodiy jarayoniga bolalar katta quvonch va muhabbat bilan yondashishdi. Ellikka yaqin rasmlarni chizishda o‘ttizdan ortiq bolalar ishtirok etishdi.
Ko‘rgazma tashkilotchilari bolalarning mualliflik asarlari bilan tanishish hamda ularni sotib olishlari uchun barchani taklif qiladi. Xayriya ko‘rgazmasidan yig‘ilgan barcha mablag‘lar Toshkent shahridagi 23-sonli Mehribonlik uyi tarbiyalanuvchilari uchun Yangi yil bazmini tashkil etishga yo‘naltiriladi.
Bolalar uchun Yangi Yil – bu unutilmas, mo‘jizalarga ega haqiqiy ertakdir. Keling, ushbu bayramni ularga birgalikda tuhfa qilaylik.
Rasmlar ko‘rgazmasi “Autograph Art Gallery”da tashkil etilgan bo‘lib, siz o‘zingizga maqbul bo‘lgan asarlarni 2020-yil 10-noyabrdan 10-dekabrgacha xarid qilishingiz mumkin.
Manzil: Toshkent shahri, Mirobod tumani, Otaturk ko‘chasi, 1-bino, Autograph Art Gallery (Mo‘ljal: Rus drama teatri, Zarafshon savdo-ko‘ngilochar markazi).
Aloqa uchun telefonlar: +998 71 203 00 33, +998 97 757 18 82
Reklama huquqi asosida
Izoh (0)