IMZO томонидан ташкиллаштирилган болалар расмлари хайрия кўргазмаси 10 ноябрдан очилади. Dip-tech технологиясида шишага чоп этилган барча расмлар 23-сонли Меҳрибонлик уйи тарбияланувчилари томонидан чизилган.
IMZO Dip-tech – бу керамик сиёҳни шишага чоп этишнинг ноёб технологияси бўлиб, деярли барча форматдаги ҳар қандай дизайн ёки суратларни энг юқори сифатда шишада босиб чиқариш имконини беради. Суратлар ультрабинафша нурлари, кимёвий таъсирлар, намлик каби ҳар қандай ташқи таъсирларга чидамлидир.
Уй, оила, дўстлик, табиат ва орзулар мавзуларига оид расмлар чизиш ижодий жараёнига болалар катта қувонч ва муҳаббат билан ёндашишди. Элликка яқин расмларни чизишда ўттиздан ортиқ болалар иштирок этишди.
Кўргазма ташкилотчилари болаларнинг муаллифлик асарлари билан танишиш ҳамда уларни сотиб олишлари учун барчани таклиф қилади. Хайрия кўргазмасидан йиғилган барча маблағлар Тошкент шаҳридаги 23-сонли Меҳрибонлик уйи тарбияланувчилари учун Янги йил базмини ташкил этишга йўналтирилади.
Болалар учун Янги Йил – бу унутилмас, мўъжизаларга эга ҳақиқий эртакдир. Келинг, ушбу байрамни уларга биргаликда туҳфа қилайлик.
Расмлар кўргазмаси «Autograph Art Gallery»да ташкил этилган бўлиб, сиз ўзингизга мақбул бўлган асарларни 2020 йил 10 ноябрдан 10 декабргача харид қилишингиз мумкин.
Манзил: Тошкент шаҳри, Миробод тумани, Отатурк кўчаси, 1-бино, Autograph Art Gallery (Мўлжал: Рус драма театри, Зарафшон савдо-кўнгилочар маркази).
Алоқа учун телефонлар: +998 71 203 00 33, +998 97 757 18 82
Реклама ҳуқуқи асосида
Изоҳ (0)