Poytaxt Tbilisi va Gruziyaning boshqa yirik shaharlarida koronavirusga qarshi kurash bo‘yicha Muvofiqlashtiruvchi kengash qarori bilan 9-noyabrdan boshlab fuqarolar va transport vositalarining harakatlanishiga soat 22:00 dan 5:00 gacha cheklov o‘rnatildi, deya xabar bermoqda “Interfaks”.
Cheklov piyoda va transportda sayohat qilayotgan fuqarolarga nisbatan qo‘llaniladi. Komendantlik soati xalqaro transport vositalariga, shuningdek, tibbiyot va farmakologik tashkilotlar, ommaviy axborot vositalari xodimlari va yetkazib berish xizmatining harakatiga ta’sir qilmaydi.
Bosh vazir o‘rinbosari, infratuzilma vaziri Maya Skitishvili 7-noyabr kuni bo‘lib o‘tgan brifingda qoidabuzarlarga jarima solinishini ma’lum qildi.
Uning ta’kidlashicha, COVID-19 bilan kasallanish holatlari ko‘payishi munosabati bilan hukumat boshqa cheklovlarni ham joriy etadi.
Mavzuga doir: COVID-19 tufayli butun dunyo bo‘ylab joriy qilingan yangi cheklovlar. Asosiy ma’lumotlar
Gruziya Sog‘liqni saqlash vazirligining ma’lumotlariga ko‘ra, 6-noyabr davomida 18 kishi vafot etdi, koronavirus infeksiyasidan jabrlanganlarning umumiy soni 441 kishini tashkil etadi.
Mamlakatda 3015 kishi karantinda, 4670 kishi kasalxonalarda shifokorlar nazorati ostida qolmoqda. Bemorlarning 39 773 nafari sog‘ayib ketgan.
Avvalroq koronavirus sabab Niderlandiya, Fransiya, Shveysariya qatorida Gruziyada ham karantin choralari kuchaytirilgandi.
Izoh (0)