Innovatsion rivojlanish vaziri, biolog olib Ibrohim Abdurahmonov O‘zbekistonda vaksina bilan Sog‘liqni saqlash vazirligi emas, balki Innovatsiya vazirligi shug‘ullanayotgani to‘g‘risidagi savollarga javob berdi.
Sog‘liqni saqlash vazirligi turgan paytda, nima uchun vaksinalar bilan Innovatsion rivojlanish vazirligi shug‘ullanyapti, degan savol ham ko‘p berilyapti. Asosiy omil sifatida shuni aytmoqchimanki, vaksinalar – bu yuqori va innovatsion texnologiyalardir.Avvalroq Xitoy Fanlar akademiyasi Mikrobiologiya instituti tomonidan tayyorlangan vaksina sinovining uchinchi bosqichi O‘zbekistonda ham o‘tkazilishi ma’lum qilingandi.Vaksina masalasida Sog‘liqni saqlash vazirligi tomonidan juda ham keng qamrovli ishlar amalga oshirilgan. Bir nechta vaksina sinovlarini o‘tkazish va aholimizga olib kelish bo‘yicha qator shartnomalarga erishilgan va bular amalga oshirilyapti. Bizning vazirligimiz esa yuqori texnologiyalarga asoslangan vaksinalar, dori preparatlari, davolash usullari bo‘yicha kuzatuvlarni amalga oshirgani uchun ham vaksinalash transferini amalga oshirish bizning vazifamiz hisoblanadi.
Innovatsiyada, ya’ni umuman yuqori texnologiyalar transferini amalga oshiruvchi vakolatli davlat organi sifatida, biz pandemiya davrida dunyo olimlari tomonidan yaratilgan texnologiyalarga befarq emasmiz, ular bilan hamkorlikni yo‘lga qo‘yyapmiz. Vaksina bo‘yicha ishlar Sog‘liqni saqlash vazirligi bilan hamkorlikda amalga oshirilyapti.
Ibrohim Abdurahmonov, innovatsion rivojlanish vaziri
Eslatib o‘tamiz, 21-oktabr kuni Innovatsion rivojlanish vazirligi koronavirusga qarshi vaksinaning klinik sinovlarini O‘zbekistonda tashkil etish masalasi bo‘yicha Xitoy fanlar akademiyasining Mikrobiologiya instituti va Anhui Zhifei Longcom Biopharmaceutical kompaniyasi vakillari bilan muzokaralar o‘tkazgan edi. Unga ko‘ra, sinov 18 va undan katta yoshdagi ko‘ngillilarda o‘tkaziladi va sinov boshlanishidan oldin Xitoy vakillari emlash shartlarini tushuntirish uchun bir nechta treninglar tashkillashtiradi.
Agar ko‘ngillilar orasida biror kishida asoratlar yoki nojo‘ya ta’sir kuzatilsa, o‘sha ko‘ngilli shaxs bepul davolanadi. Shuningdek, ko‘ngillilar ishtiroki uchun pul mablag‘i berilishi ham mumkin.
Izoh (0)