Daraxt ichida, suv ostida, yovvoyi savanna va qorli tekisliklar orasidagi uy har qanday insonning orzusidir. Ammo bu orzuligicha qolib ketmadi, albatta, vaqti kelib me’morlar buni haqiqatga aylantirdi.
Norvegiyadagi suvosti restorani
Dunyodagi eng katta suvosti restorani Under bir yil avval Norvegiyaning janubiy qismida ochilgan. Yarmi suvga botgan restoran 5 metr chuqurlikda panoramali oyna bilan tugaydi. U yerga kirish chiptasi 430 dollar bo‘lishiga qaramay, 6 oylab navbat kutiladi. Under nafaqat restoran, balki dengiz hayotini o‘rganadigan ilmiy-tadqiqot bazasidir.
Xitoy, Chengdu − qishloq xo‘jaligi fanlari va texnologiyalari bog‘idagi cherkov
Hech qanday fotoshopsiz Fransiya va Xitoy o‘rtasida diplomatik aloqalarni o‘rnatish doirasida yaratilgan inshoot ikki madaniyatning o‘zaro ta’sirini o‘zida mujassam etgan. Cherkov turli xil balandlikdagi alyuminiy tayoqchalardan qurilgan bo‘lib, quyosh nurlari harakati vaqtida bino vaqtinchalik shaffof ko‘rinishga ega bo‘ladi.
Xitoy, Guyyan − sharsharali osmono‘par bino
Xitoyning Guyang shahridagi 121 metrli osmono‘par bino devoriga sharshara tushirilganda, mahalliy aholi suv ta’minoti bo‘yicha muammolar paydo bo‘ladi, deb o‘ylagan. Ammo bu yerda tashvishlanadigan hech qanday narsa yo‘q. Aslida shahar birinchi marta dunyodagi eng baland binoda sun’iy sharsharadan biri namoyish etilgan. 108 metr balandlikdan oqib tushayotgan suvning g‘ayrioddiy ko‘rinishiga chindan ham qoyil qolish mumkin, inshootning bir soat ishlashi 100 dollarni tashkil etadi.
Keniya, Laykipiya platosida qush ini ko‘rinishidagi mehmonxona
Afrika savannasi o‘rtasida qurilgan mehmonxona misli kutilmagan ko‘rinishni taqdim etdi. Bu yerda zebradan tortib, shergacha ko‘rish mumkin. Ammo uyning ichida barcha sharoit yaratilgan. Elektr energiyasi quyosh batareyalari orqali ishlab chiqariladi.
Niderlandiya, Ugstgest – Inson tanasi muzeyi
Niderlandiyadagi ushbu muzey 7 qavatli binoning yon qismiga 35 metrli inson qiyofasida qurilgan. Bu yerda mehmonlar inson tanasiga sayohat qiladi. Barcha organlardan o‘tgan holda ularning qanday ishlashini bilib olish mumkin: nima uchun aksirish, uxlash, jarohatga olganda yoki hiqichoq payti. Shuningdek, pishloqli bulochka oshqozonda qanday hazm bo‘lishini ko‘rish ham mumkin.
AQSh, Shimoliy Karolina – Frying Pan Tower mehmonxonasi
2010-yilda Richard Niltel kimoshdi savdosida Shimoliy Karolina qirg‘og‘idan 50 kilometr uzoqlikda joylashgan sohil xavfsizligi stansiyasini sotib oldi. Bir necha yildan so‘ng u yer Frying Pan Tower mehmonxonasiga aylandi. Doimiy ravishda bo‘ron va akulalar uning atrofida aylanib yurganligi sababli hozirgi kunda dunyodagi eng xavfli mehmonxona deb ataladi. Mehmonxonaga qayiq yoki vertolyotda borish mumkin.
Shvetsiya, Kiruna – tuxum shaklidagi sauna
5 metrli oltin tuxum shaklidagi noodatiy sauna yog‘och va po‘lat panellardan qurilgan bo‘lib, 8 kishini qabul qila oladi. “Tuxum”ni osongina qismlarga ajratish va boshqa joyga ko‘chirish mumkin. U, asosan, san’at obyekti va sayyohlar uchun jalb qilish uchun xizmat qiladi.
Buyuk Britaniya − Sar orolidagi qamoqxona
1856-yilda qurilgan ushbu bino dunyodagi eng kichik qamoqxona hisoblanadi. U yerda hujra mavjud bo‘lib, umuman derazalar yo‘q. Shuningdek, qulaylik uchun atigi 2 ta karavot bor. 1990-yil fizik Andre Gard orolga qurollanib keldi va bir hafta yashaganidan so‘ng o‘zini Sark xo‘jayini deb e’lon qildi. Ammo rasmiylar tomonidan qo‘lga olindi. Ushbu voqea “Orolni o‘g‘irlashga harakat qilgan odam” filmiga asos bo‘ldi.
AQSh, Vashington, Zilla – yoqilg‘i quyish shoxobchasi
O‘zining oddiygina ko‘rinishiga qaramay, ushbu sobiq yoqilg‘i quyish shoxobchasi o‘tgan asrning 20-yillarida yuz bergan voqeani esga soladi. Ushbu maskan 2006-yilgacha yoqilg‘i quyish shoxobchasi bo‘lib qoldi, endi esa bu shunchaki shaharning diqqatga sazovor joyi hisoblanadi.
AQSh, Atlantik-Siti – “Istasangiz ishoning, istamasangiz yo‘q” muzeyi
Ushbu muzey nafaqat g‘ayrioddiy eksponatlar bilan to‘ldirilgan, balki o‘zi ham paradoksal ko‘rinishda. Bino qulab tushmoqchi degan taassurotlar bo‘lishiga qaramay, tashrif buyuruvchilarga hech narsa tahdid solmaydi.
Buyuk Britaniya, Oksford – Akulali uy
1986-yilda Bill Xayn Nagasakidagi atom bombasi portlaganligining 41 yilligi munosabati bilan Oksforddagi uyining tomiga 7 metr shishadan iborat akula haykalini o‘rnatdi. Rasmiylar uni olib tashlashni talab qildi, chunki bu atrofdagilarga xavf tug‘dirishi mumkin edi. 5 yillik kurashdan so‘ng qaysar britaniyalik ko‘p yillar mobaynida mahalliy aholi diqqatiga sazovor bo‘lgan san’at obyektini himoya qilib, g‘olib chiqdi.
Izoh (0)