Дарахт ичида, сув остида, ёввойи саванна ва қорли текисликлар орасидаги уй ҳар қандай инсоннинг орзусидир. Аммо бу орзулигича қолиб кетмади, албатта, вақти келиб меъморлар буни ҳақиқатга айлантирди.
Норвегиядаги сувости ресторани
Дунёдаги энг катта сувости ресторани Under бир йил аввал Норвегиянинг жанубий қисмида очилган. Ярми сувга ботган ресторан 5 метр чуқурликда панорамали ойна билан тугайди. У ерга кириш чиптаси 430 доллар бўлишига қарамай, 6 ойлаб навбат кутилади. Under нафақат ресторан, балки денгиз ҳаётини ўрганадиган илмий-тадқиқот базасидир.
Хитой, Ченгду − қишлоқ хўжалиги фанлари ва технологиялари боғидаги черков
Ҳеч қандай фотошопсиз Франция ва Хитой ўртасида дипломатик алоқаларни ўрнатиш доирасида яратилган иншоот икки маданиятнинг ўзаро таъсирини ўзида мужассам этган. Черков турли хил баландликдаги алюминий таёқчалардан қурилган бўлиб, қуёш нурлари ҳаракати вақтида бино вақтинчалик шаффоф кўринишга эга бўлади.
Хитой, Гуйян − шаршарали осмонўпар бино
Хитойнинг Гуянг шаҳридаги 121 метрли осмонўпар бино деворига шаршара туширилганда, маҳаллий аҳоли сув таъминоти бўйича муаммолар пайдо бўлади, деб ўйлаган. Аммо бу ерда ташвишланадиган ҳеч қандай нарса йўқ. Аслида шаҳар биринчи марта дунёдаги энг баланд бинода сунъий шаршарадан бири намойиш этилган. 108 метр баландликдан оқиб тушаётган сувнинг ғайриоддий кўринишига чиндан ҳам қойил қолиш мумкин, иншоотнинг бир соат ишлаши 100 долларни ташкил этади.
Кения, Лайкипия платосида қуш ини кўринишидаги меҳмонхона
Африка саваннаси ўртасида қурилган меҳмонхона мисли кутилмаган кўринишни тақдим этди. Бу ерда зебрадан тортиб, шергача кўриш мумкин. Аммо уйнинг ичида барча шароит яратилган. Электр энергияси қуёш батареялари орқали ишлаб чиқарилади.
Нидерландия, Угстгест – Инсон танаси музейи
Нидерландиядаги ушбу музей 7 қаватли бинонинг ён қисмига 35 метрли инсон қиёфасида қурилган. Бу ерда меҳмонлар инсон танасига саёҳат қилади. Барча органлардан ўтган ҳолда уларнинг қандай ишлашини билиб олиш мумкин: нима учун аксириш, ухлаш, жароҳатга олганда ёки ҳиқичоқ пайти. Шунингдек, пишлоқли булочка ошқозонда қандай ҳазм бўлишини кўриш ҳам мумкин.
АҚШ, Шимолий Каролина – Frying Pan Tower меҳмонхонаси
2010 йилда Ричард Нилтел кимошди савдосида Шимолий Каролина қирғоғидан 50 километр узоқликда жойлашган соҳил хавфсизлиги станциясини сотиб олди. Бир неча йилдан сўнг у ер Frying Pan Tower меҳмонхонасига айланди. Доимий равишда бўрон ва акулалар унинг атрофида айланиб юрганлиги сабабли ҳозирги кунда дунёдаги энг хавфли меҳмонхона деб аталади. Меҳмонхонага қайиқ ёки вертолётда бориш мумкин.
Швеция, Кируна – тухум шаклидаги сауна
5 метрли олтин тухум шаклидаги ноодатий сауна ёғоч ва пўлат панеллардан қурилган бўлиб, 8 кишини қабул қила олади. «Тухум»ни осонгина қисмларга ажратиш ва бошқа жойга кўчириш мумкин. У, асосан, санъат объекти ва сайёҳлар учун жалб қилиш учун хизмат қилади.
Буюк Британия − Сар оролидаги қамоқхона
1856 йилда қурилган ушбу бино дунёдаги энг кичик қамоқхона ҳисобланади. У ерда ҳужра мавжуд бўлиб, умуман деразалар йўқ. Шунингдек, қулайлик учун атиги 2 та каравот бор. 1990 йил физик Андре Гард оролга қуролланиб келди ва бир ҳафта яшаганидан сўнг ўзини Сарк хўжайини деб эълон қилди. Аммо расмийлар томонидан қўлга олинди. Ушбу воқеа «Оролни ўғирлашга ҳаракат қилган одам» фильмига асос бўлди.
АҚШ, Вашингтон, Зилла – ёқилғи қуйиш шохобчаси
Ўзининг оддийгина кўринишига қарамай, ушбу собиқ ёқилғи қуйиш шохобчаси ўтган асрнинг 20 йилларида юз берган воқеани эсга солади. Ушбу маскан 2006 йилгача ёқилғи қуйиш шохобчаси бўлиб қолди, энди эса бу шунчаки шаҳарнинг диққатга сазовор жойи ҳисобланади.
АҚШ, Атлантик-Сити – «Истасангиз ишонинг, истамасангиз йўқ» музейи
Ушбу музей нафақат ғайриоддий экспонатлар билан тўлдирилган, балки ўзи ҳам парадоксал кўринишда. Бино қулаб тушмоқчи деган таассуротлар бўлишига қарамай, ташриф буюрувчиларга ҳеч нарса таҳдид солмайди.
Буюк Британия, Оксфорд – Акулали уй
1986 йилда Билл Хайн Нагасакидаги атом бомбаси портлаганлигининг 41 йиллиги муносабати билан Оксфорддаги уйининг томига 7 метр шишадан иборат акула ҳайкалини ўрнатди. Расмийлар уни олиб ташлашни талаб қилди, чунки бу атрофдагиларга хавф туғдириши мумкин эди. 5 йиллик курашдан сўнг қайсар британиялик кўп йиллар мобайнида маҳаллий аҳоли диққатига сазовор бўлган санъат объектини ҳимоя қилиб, ғолиб чиқди.
Изоҳ (0)