«Манчестер Сити» «Барселона» ҳужумчиси Лионель Мессига шартнома таклиф қилишга тайёрланмоқда, дея хабар беради The Telegraph.
Манбанинг хабарига кўра, «шаҳарликлар» 2021 йилнинг январь ойида аргентиналикка таклиф билан чиқмоқчи.
Таъкидлаш жоиз, Месси бу вақтга келиб, клублар билан музокараларни бошлаши мумкин бўлади, боиси унинг «Барселона» билан келишув муддати тугашига олти ой қолади.
Инглиз клуби Каталония клуби раҳбариятидаги ноаниқ вазиятдан фойдаланиб қолишни мақсад қилган.
Маълумот учун, Месси 2003 йилдан бери «Барселона» шарафини ҳимоя қилиб келади. У «кўк-анорранглилар» сафида умумий ҳисобда 34 та совринни қўлга киритган. Лео ўтган трансфер ойнасида ҳам клубни тарк этмоқчи бўлди, бироқ собиқ раҳбарият уни қўйиб юборишдан бош тортганди.
Мавзуга доир:
- «Бирор нима ёқмаётган бўлса, эшик анави томонда». Месси ва Кике Сетьен ўртасида жанжал юзага келгани маълум бўлди
- «Барселона» президентлигига номзод Лионель Мессини Аргентина клубига қўйиб юборишга тайёрлигини маълум қилди
- Марадона: Лионель Месси «Барселона» учун борини берди, клуб эса унга муносиб жавоб қилмади
- Месси ёки Роналду? Фрэнк Лэмпард кимни танлашини айтди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)