Bitkoin narxi so‘nggi bir hafta ichida ikkinchi bor 14 ming dollarlik ko‘rsatkichga erishdi. Bu haqda CoinDesk ma’lumotlariga tayanib, Meduza xabar berdi.
4-noyabr Toshkent vaqti bilan soat 04:44 ga ko‘ra, bitkoin ikki soat ichida taxminan 2 foizga qimmatlashib, 14 060 dollarni tashkil etgan. Kriptovalyuta 14 ming dollarlik marrani 31-oktabr kuni ham qisqa muddatga zabt etgandi. Bunga qadar esa u so‘nggi bor bu kabi narxda 2018-yilning yanvari o‘rtalarida sotilgan.
Ta’kidlanishicha, AQShda o‘tkazilgan prezidentlik saylovlarining dastlabki saylov uchastkalari yopilishi bilan bitkoin narxi sezilarli darajada o‘sa boshlagan. Bitkoin bir nechta shtatda saylov natijalari e’lon qilinganidan so‘ng ham qimmatlashishda davom etgan. Konsolidatsiyalangan prognozlar Donald Trampga raqibi Jo Baydenga qaraganda kamroq ovoz berishni boshlagandan keyin, uning qiymati biroz pasayishni boshladi.
Toshkent vaqti bilan soat 6:00 dan 9:00 ga qadar bitkoin narxi 13,7-13,9 ming dollar oralig‘ida qolmoqda.
Eslatib o‘tamiz, iyun o‘rtalarida Bloomberg 2020-yilda bitkoin narxi tarixiy maksimumga, ya’ni 20 ming AQSh dollari miqdorida ko‘tarilishi mumkinligini yozgandi.
Mavzuga doir:Bitkoin tarixidagi rekord — 1,1 mlrd dollarlik tranzaksiya atigi 80 dollarlik komissiya evaziga amalga oshirildi
Izoh (0)