Биткоин нархи сўнгги бир ҳафта ичида иккинчи бор 14 минг долларлик кўрсаткичга эришди. Бу ҳақда CoinDesk маълумотларига таяниб, Meduza хабар берди.
4 ноябрь Тошкент вақти билан соат 04:44 га кўра, биткоин икки соат ичида тахминан 2 фоизга қимматлашиб, 14 060 долларни ташкил этган. Криптовалюта 14 минг долларлик маррани 31 октябрь куни ҳам қисқа муддатга забт этганди. Бунга қадар эса у сўнгги бор бу каби нархда 2018 йилнинг январи ўрталарида сотилган.
Таъкидланишича, АҚШда ўтказилган президентлик сайловларининг дастлабки сайлов участкалари ёпилиши билан биткоин нархи сезиларли даражада ўса бошлаган. Биткоин бир нечта штатда сайлов натижалари эълон қилинганидан сўнг ҳам қимматлашишда давом этган. Консолидацияланган прогнозлар Дональд Трампга рақиби Жо Байденга қараганда камроқ овоз беришни бошлагандан кейин, унинг қиймати бироз пасайишни бошлади.
Тошкент вақти билан соат 6:00 дан 9:00 га қадар биткоин нархи 13,7-13,9 минг доллар оралиғида қолмоқда.
Эслатиб ўтамиз, июнь ўрталарида Bloomberg 2020 йилда биткоин нархи тарихий максимумга, яъни 20 минг АҚШ доллари миқдорида кўтарилиши мумкинлигини ёзганди.
Мавзуга доир:Биткоин тарихидаги рекорд — 1,1 млрд долларлик транзакция атиги 80 долларлик комиссия эвазига амалга оширилди
Изоҳ (0)