Andrey Kanchelskis nima sababdan “Navbahor”dan ketganini aytdi

Namanganning “Navbahor” klubi sobiq bosh murabbiyi Andrey Kanchelskis nima sababdan jamoadan ketganini aytdi.

Gap shundaki, menga maosh to‘lanmagan. Avvaliga uch, keyin yana ikki oy sabr qildim, lekin mening ham oilam, farzandlarim, yordamga muhtoj ota-onam bor. Noprofessionallarcha ish tutish noto‘g‘ri. Shuning uchun shunday qaror qabul qilindi va barchasi qonunga muvofiq, biz FIFAga ariza topshirdik va jarayonni kutmoqdamiz. Yana bir sabab — Namangan hokimining o‘zgarganligi, bu borada ham bir qator savollar bor edi. Umuman olganda, klubda kelajagim yo‘q degan qarorga keldim.

Futbolchilar va xodimlarga umuman e’tirozim yo‘q, ular a’lo darajada ishladi. Koronavirusni boshdan kechirganimizdan so‘ng ular mashg‘ulot va o‘yinlarga qayta oldi. Yaratgan ularga sog‘lik va omad ato etsin. Faqat klub rahbarlariga bir qancha e’tirozlar mavjud, biz ular bilan go‘yo turli sayyoralarda yashardik. Havaskorlar futbolga kelganida har doim shunaqa bo‘ladi. Agar ular odatdagidek muloqot qilishni va barchasini tinch yo‘l bilan hal qilmoqchi bo‘lsa, men munozaralarga tayyorman. Agar unday bo‘lmasa, sud bo‘ladi. Qog‘ozlar bor, barchasini futbol federatsiyasi hal qiladi.

Andrey Kanchelskis, “Navbahor” sobiq bosh murabbiyi

Kanchelskis 2018-yilning oktabrida namanganliklar boshqaruviga kelgandi. Mutaxassis 2019-yilning avgustida iste’foga chiqarilgan, biroq o‘sha yilning o‘zida yana o‘z lavozimiga qaytarilgandi.