Argentinalik futbol afsonasi Diyego Maradona “Barselona” rahbariyati va hujumchi Lionel Messi o‘rtasida yuzaga kelgan vaziyat haqida fikr bildirdi.
Bularning hammasi yomon yakunga olib borishini bilardim. Leo ketadi deb o‘ylagandim. Bu men bilan ham sodir bo‘lgan. “Barselona” — oddiy klub emas. Messi u yerda ko‘p yillarni o‘tkazdi va unga munosib munosabatga bo‘lishmadi.Eslatib o‘tamiz, avgust oyida Messi “Barselona”ni tark etishga qaror qilgani haqida klub rahbariyatini ogohlantirdi. Biroq tomonlar masalani tinch yo‘l bilan hal qila olmadi. 4-sentabr kuni Messi Goal nashriga bergan intervyusida “Barselona”da qolishini va klubning hurmati uchun sudlashib o‘z haqqini talab qilmasligini ma’lum qildi.Leo klubga borini berdi, ularni cho‘qqiga olib chiqdi. Vaqti kelib holatni o‘zgartirish uchun ketishni xohladi, ular esa bunga rad javobini berdi.
Eshikni qattiq yopib ketishning iloji yo‘q paytlar bo‘ladi, o‘rtada shartnoma, katta klub va seni yaxshi ko‘radigan odamlar bor. Men “Napoli”da bunday qilmagan bo‘lardim.
Diyego Maradona, sobiq futbolchi
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)