Наманганнинг «Навбаҳор» клуби собиқ бош мураббийи Андрей Канчельскис нима сабабдан жамоадан кетганини айтди.
Гап шундаки, менга маош тўланмаган. Аввалига уч, кейин яна икки ой сабр қилдим, лекин менинг ҳам оилам, фарзандларим, ёрдамга муҳтож ота-онам бор. Нопрофессионалларча иш тутиш нотўғри. Шунинг учун шундай қарор қабул қилинди ва барчаси қонунга мувофиқ, биз ФИФАга ариза топширдик ва жараённи кутмоқдамиз. Яна бир сабаб — Наманган ҳокимининг ўзгарганлиги, бу борада ҳам бир қатор саволлар бор эди. Умуман олганда, клубда келажагим йўқ деган қарорга келдим.9 октябрь куни «Навбаҳор» Канчельскисни истеъфога чиқаргани маълум бўлганди. Шунингдек, мутахассис тўрт ойдан буён маош олмаётгани ва бу борада ФИФАга шикоят қилиш ниятида экани айтилганди.Футболчилар ва ходимларга умуман эътирозим йўқ, улар аъло даражада ишлади. Коронавирусни бошдан кечирганимиздан сўнг улар машғулот ва ўйинларга қайта олди. Яратган уларга соғлик ва омад ато эцин. Фақат клуб раҳбарларига бир қанча эътирозлар мавжуд, биз улар билан гўё турли сайёраларда яшардик. Ҳаваскорлар футболга келганида ҳар доим шунақа бўлади. Агар улар одатдагидек мулоқот қилишни ва барчасини тинч йўл билан ҳал қилмоқчи бўлса, мен мунозараларга тайёрман. Агар ундай бўлмаса, суд бўлади. Қоғозлар бор, барчасини футбол федерацияси ҳал қилади.
Андрей Канчельскис, «Навбаҳор» собиқ бош мураббийи
Канчельскис 2018 йилнинг октябрида наманганликлар бошқарувига келганди. Мутахассис 2019 йилнинг августида истеъфога чиқарилган, бироқ ўша йилнинг ўзида яна ўз лавозимига қайтарилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)