AQShda Osiyoning ulkan Vespa mandarinia qovog‘ari-qotillar uyasi topilib, yo‘q qilindi. Uya Vashington shtatining Bleyn shahridagi qishloqlardan biridan topilgan, deb xabar beradi Meduza.
Vespa mandarinia — uzunligi 5 santimetrga yetadigan dunyodagi eng katta qovog‘ari. Bu kabi arilar asalarichilik bilan shug‘ullanayotganlar uchun juda xavfli — ular asalari uyasini bir necha daqiqa ichida yakson qilib tashlashga qodir. AQShda bu kabi qovog‘arilar ilgari kuzatilmagan va birinchi bor 2019-yilning oxirida Vashington shtatida aniqlangan.
2020-yilning oktabrida ulkan qovog‘arilar uyasi topilgan. Uyani yo‘q qilish bo‘yicha operatsiya Vashington qishloq xo‘jaligi boshqarmasi mutaxassislari tomonidan amalga oshirilgan. Ular “Yulduzlar jangi” filmidagi kabi maxsus kostyumlar bilan himoyalanib, arilarni o‘ldirgan.
Izoh (0)