Футбол бўйича Coca-Cola Суперлига 21-тури доирасида 27 октябрь, сешанба куни Наманганда «Навбаҳор» жамоаси Тошкентнинг «Бунёдкор»ини қабул қилди.
Жамоаларнинг тезкор ҳужумлари билан бошланган учрашувнинг 35-дақиқасига келиб, Азиз Турғунбоев мезбонларни ҳисобда олдинга олиб чиқди. Биринчи бўлим якунига келиб эса Хуршид Ғиёсов 11 метрлик пенальти зарбасини голга айлантириб, ҳисобни тенглаштирди — 1:1.
Иккинчи бўлимни ҳам наманганликлар фаоллик билан бошлаб, 56-дақиқада Руслан Боловнинг голи эвазига ҳисобда олдинга чиқиб олди. Шундан сўнг дарвозалар бошқа ишғол этилмади ва мезбонлар ғалабани ўз қўлида сақлаб қолди.
Мазкур ғалабадан кейин «Навбаҳор» очколари сонини 27 тага етказиб, 8-ўринга кўтарилган бўлса, «Бунёдкор» (32 очко) 5-поғонада бормоқда. Қайд этиш жоиз, наманганликлар 11 та ўйиндан бери ғалаба нималигини билмай келаётганди.
21-турнинг яна бир беллашувида «Қизилқум» жамоаси «Андижон» майдонида меҳмон бўлди. Ҳар иккала жамоа вакилларининг уринишларига қарамай, ўйинда дарвозаларга тўп киритилмади — 0:0.
Мазкур дурангдан сўнг «Қизилқум» очколари сонини 19 тага етказиб, 10-ўриндаги «Машъал»га етиб олган бўлса, «Андижон» 13 очко билан 12-ўринда бормоқда.
Coca-Cola Суперлига
21-тур баҳси
27 октябрь, сешанба
«Навбаҳор» — «Бунёдкор» 2:1
Голлар: 1:0 – 31 Турғунбоев, 1:1 – 45 Ғиёсов, 2:1 – 56 Болов.«Навбаҳор»: Ўткир Юсупов, Эҳсони Паншанбе (Ғиёсжон Комилов, 85), Жавлон Иброҳимов, Иван Соловёв (Забиҳилло Ўринбоев, 85), Азизбек Турғунбоев (Аббосжон Ғуломов, 79), Мирзоҳид Ғофуров, Даврон Ҳошимов, Игор Голбан, Ислом Рашидхонов (Сардор Теляков, 46), Хуршидбек Мухторов, Руслан Болов (Шоҳруҳ Маҳмудҳожиев, 69).
«Бунёдкор»: Сарвар Каримов, Ислом Қобилов, Иброҳимҳалил Йўлдошев, Хуршид Ғиёсов, Расул Йўлдошев, Лутфулла Тўраев, Санжар Қодирқулов (Суҳроб Иззатов, 73), Нурилло Тўхтасинов, Абдулла Абдуллаев (Давронжон Эргашев, 60), Муҳаммадодил Қаҳрамонов (Дилшодбек Аҳмадалиев, 60), Шаҳбоз Эркинов (Фаррух Икромов, 73).
Огоҳлантиришлар: Ғофуров (35), Ҳошимов (51), Паншанбе, Соловёв, Аҳмадалиев (64), Эргашев (67), Маҳмудхожиев (77), Иброҳимов (90+4).
«Андижон» — «Қизилқум» 0:0
«Андижон»: Элдор Адҳамов, Азамат Исроилов, Фарҳод Мираҳматов, Хушнуд Авилов, Бахтиёр Қосимов, Фарҳод Бекмуратов, Сирож Мелиев (Асил Азизов, 88), Абдуллоҳ Олимов (Нодир Мавлонов, 73), Усмонали Исмоналиев, Муҳаммад Йўлдошев, Шаҳбоз Жумабоев (Жамшид Ҳамидов, 73).
«Қизилқум»: Игнатий Нестеров, Владислав Касминин, Эркин Бойдуллаев, Ойбек Қиличев, Руслан Маргиев, Алишер Саноев, Салим Мустафоев, Шерали Жўраев (Файзулло Қамбаров, 46), Олег Толмасов, Жамшид Ҳасанов (Жасур Азимов, 64), Шерзод Қодиров (Иброҳим Томива, 53).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)