“Real” himoyachisi Nacho “Barselona”ga qarshi kechgan bahsda (3:1) olgan jarohati tufayli bir oyga yaqin vaqtni maydon tashqarisida o‘tkazib yuborishi mumkin, deya yozadi jurnalist Migel Anxel Dias.
Ushbu holatda futbolchi Chempionlar Ligasi (“Borussiya M” va “Inter”ga qarshi) va Ispaniya chempionatida (“Ueska” va “Valensiya” bilan) 2 tadan uchrashuvni o‘tkazib yuboradi.
Nachoning 21-noyabr kuniga belgilangan “Vilyarreal”ga qarshi uchrashuvda safga qaytishi kutilmoqda.
Qayd etish joiz, Nachodan tashqari, himoyachilar — Dani Karvaxal va Alvaro Odriosolada ham jarohat mavjud.
“Real” Chempionlar Ligasi guruh bosqichi 2-turi doirasida “Borussiya M” maydoniga safar qiladi. Uchrashuv 27-oktabrdan 28-oktabrga o‘tar kechasi soat 01:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)