Har kim ham chiroyini saqlab qolgan holda qarishni uddalay olmaydi. Ammo ayrim yulduzlar buni a’lo darajada amalga oshiradi, natijada o‘zlarining aslida necha yoshda ekanligini aytishdan ham tortinmaydi. Chunki bundan faqatgina faxrlanish mumkin. Quyida ularning yoshi va chiroyi o‘rtasidagi nomutanosiblikning guvohi bo‘ling.
Xelen Mirren – 75 yosh
Aktrisaning ta’kidlashicha, u hech qachon sport zallariga bormagan, ammo intizom borasida maqtana oladi. Shuningdek, yarim asrdan buyon har kuni 15 daqiqani mashg‘ulotlar uchun ajratadi.
Meril Strip – 71 yosh
Oskar mukofotiga sazovor bo‘lgan Meril Strip oddiy liboslarda ham hamisha nafis va nazokatli ko‘rinishga ega bo‘lgan yulduzlardan biridir. Meril na plastika, na parhezni yaxshi ko‘radi. Shunday bo‘lsa ham, o‘ziga xos va tabiiy go‘zallikka ega.
Sofi Loren – 86 yosh
Reyting rekordchisiga aylangan Sofiya Loren 86 yoshda ham barchani hayratda qoldiradi. Ayolning yoshini bo‘yin va yelka qismidagi ajinlar sotishi mumkin. Uning yagona siri — yaxshi kayfiyat, parhez va soat 21:00 dan kechikmay uxlash.
Jeyn Fonda – 82 yosh
Jeynni buvi deyish ham biroz g‘alati, chunki u 82 yoshida ham tor liboslarda namoyon bo‘ladi. Buning barchasiga faol hayot tarzi evaziga erishgan.
Katrin Denev – 76 yosh
Katrinning yoshi nechada bo‘lishiga qaramay, u fransuz go‘zalligining timsoli. U hech qachon yosh ko‘rinishga harakat qilmaydi. Aytgancha, aktrisa umr bo‘yi tamaki chekishni tashlamadi, go‘zallik uchun ham bu odatdan voz kechishni istamaydi.
Irina Allegrova – 68 yosh
Irina parhezga alohida e’tibor qaratadi. U faqat meva, sabzavot va dengiz mahsulotlarini iste’mol qiladi. Yulduz go‘shtdan butunlay voz kechgan, chunki go‘sht terining qarishiga sabab bo‘lishini juda yaxshi biladi.
Jessika Leng – 71 yosh
Aktrisa 71 yoshga umuman o‘xshamaydi. Lekin uning o‘zi hech qachon yosh ko‘rinishga harakat qilmaydi. U ko‘proq jiddiy uslub va chiroyli soch turmagiga e’tibor qaratadi.
Sofiya Rotaru – 73 yosh
Qo‘shiqchining allaqachon voyaga yetgan nabiralari bor, o‘zi esa hamon jozibali ayollar qatoridan joy olmoqda. Yulduz muntazam ravishda kosmetologga tashrif buyuradi, chiroyi ustida olib boriladigan parvarishdan voz kechmaydi.
Layma Vaykule – 66 yosh
Noodatiy uslubi va ovozi bilan ajralib turadigan Layma yillar o‘tsa ham, yanada chiroy ochib bormoqda. Uning aytishicha, u hayotini aniq rejalar ustiga qurgan. Ijod, sog‘lom turmush tarzi va sport uchun alohida vaqt ajratadi. Uning uchun tashqi ko‘rinish alohida ahamiyatga ega.
Karmen Dell’Orefis – 89 yosh
Amerikalik yulduz Ginnesning rekordlar kitobiga eng uzoq podiyum karyerasi bo‘lgan model sifatida kiritilgan. Karmen yoshiga nisbatan juda go‘zal va nafis. U ayni damdagi ko‘rinishidan faxrlanadi.
Kristi Brinkli – 66 yosh
Kristi qarish nima ekanligini bilmaydi. U 66 yoshida ham 40 yoshdagidek ko‘rinmoqda. Buning uchun model faqatgina sog‘lom turmush tarziga rioya qiladi.
Syuzan Sarandon – 74 yosh
Syuzanning 74 yoshida ham unga oshiq bo‘ladigan yigitlar talaygina. Uning yoshiga mos bo‘lmagan ko‘rinishi ayolni yanada jozibali qilib ko‘rsatmoqda.
Jeyn Seymur – 69 yosh
Jeyn nafaqaga chiqqan tengdoshlari orasida havas qilgudek ko‘rinishda. Barcha ham silliq teri, chiroyli qomat, jozibali ko‘rinish – umuman u kabi qarishni orzu qilishi tabiiy.
Joan Kollinz – 87 yosh
Joan 68 yil avval o‘zining ilk debyutini ijro etgan. Oradan yillar o‘tsa ham, uning ko‘rinishi o‘zgarishsiz qoldi. Balki bunga uning hayoti sabab bo‘lgandir. Sababi aktrisa shu yoshga qadar besh marotaba turmushga chiqdi. Ayni damdagi turmush o‘rtog‘i o‘zidan 32 yosh kichik.
Dayan Kiton – 74 yosh
Aktrisaning sog‘lig‘ida bir qancha muammolar bo‘lsa-da, uning ko‘rinishi ajoyib. 2011-yilda yulduzga teri saratoni tashxisi qo‘yildi va matonatli aktrisa uni yengishga muvaffaq bo‘ldi. Shu bilan birga, u L’Orealning elchisiga ham aylandi.
Sigurni Uiver – 71 yosh
Sigurni o‘tayotgan yillar bilan kurashmaydi, barchasini boricha qabul qiladi. Aktrisa uchun mashhur insonlarning hayoti umuman qiziq emas. O‘zining hayotiga ham qiziqqanlar uchun bir xil javob qaytaradi. Uning aytishicha, u oddiy hayotda yashaydi va umri davomida bir marta turmushga chiqqan.
Sharlotta Rempling – 74 yosh
Britaniyalik aktrisa ham yosh bilan kurashmaydiganlar qatoriga kiradi, plastik operatsiyalarni umuman o‘tkazmagan, shuningdek, boshqalarga go‘zallik borasida maslahat ham bermaydi. Barcha narsani boricha qabul qiladi.
Opra Uinfri – 66 yosh
Televizion olamning “temir xonimi” Opra Uinfri allaqachon 66 yoshini qarshi olgan. U karyerasi davomida turli xil uslubni sinab ko‘radi, dam ozib, dam semirdi. Shunday bo‘lmasin, u o‘z ko‘rinishini saqlab qolgan maftunkor va aqlli teleboshlovchi.
Izoh (0)