Ҳар ким ҳам чиройини сақлаб қолган ҳолда қаришни уддалай олмайди. Аммо айрим юлдузлар буни аъло даражада амалга оширади, натижада ўзларининг аслида неча ёшда эканлигини айтишдан ҳам тортинмайди. Чунки бундан фақатгина фахрланиш мумкин. Қуйида уларнинг ёши ва чиройи ўртасидаги номутаносибликнинг гувоҳи бўлинг.
Хелен Миррен – 75 ёш
Актрисанинг таъкидлашича, у ҳеч қачон спорт залларига бормаган, аммо интизом борасида мақтана олади. Шунингдек, ярим асрдан буён ҳар куни 15 дақиқани машғулотлар учун ажратади.
Мерил Стрип – 71 ёш
Оскар мукофотига сазовор бўлган Мерил Стрип оддий либосларда ҳам ҳамиша нафис ва назокатли кўринишга эга бўлган юлдузлардан биридир. Мерил на пластика, на парҳезни яхши кўради. Шундай бўлса ҳам, ўзига хос ва табиий гўзалликка эга.
Софи Лорен – 86 ёш
Рейтинг рекордчисига айланган София Лорен 86 ёшда ҳам барчани ҳайратда қолдиради. Аёлнинг ёшини бўйин ва елка қисмидаги ажинлар сотиши мумкин. Унинг ягона сири — яхши кайфият, парҳез ва соат 21:00 дан кечикмай ухлаш.
Жейн Фонда – 82 ёш
Жейнни буви дейиш ҳам бироз ғалати, чунки у 82 ёшида ҳам тор либосларда намоён бўлади. Бунинг барчасига фаол ҳаёт тарзи эвазига эришган.
Катрин Денев – 76 ёш
Катриннинг ёши нечада бўлишига қарамай, у француз гўзаллигининг тимсоли. У ҳеч қачон ёш кўринишга ҳаракат қилмайди. Айтганча, актриса умр бўйи тамаки чекишни ташламади, гўзаллик учун ҳам бу одатдан воз кечишни истамайди.
Ирина Аллегрова – 68 ёш
Ирина парҳезга алоҳида эътибор қаратади. У фақат мева, сабзавот ва денгиз маҳсулотларини истеъмол қилади. Юлдуз гўштдан бутунлай воз кечган, чунки гўшт терининг қаришига сабаб бўлишини жуда яхши билади.
Жессика Лэнг – 71 ёш
Актриса 71 ёшга умуман ўхшамайди. Лекин унинг ўзи ҳеч қачон ёш кўринишга ҳаракат қилмайди. У кўпроқ жиддий услуб ва чиройли соч турмагига эътибор қаратади.
София Ротару – 73 ёш
Қўшиқчининг аллақачон вояга етган набиралари бор, ўзи эса ҳамон жозибали аёллар қаторидан жой олмоқда. Юлдуз мунтазам равишда косметологга ташриф буюради, чиройи устида олиб бориладиган парваришдан воз кечмайди.
Лайма Вайкуле – 66 ёш
Ноодатий услуби ва овози билан ажралиб турадиган Лайма йиллар ўтса ҳам, янада чирой очиб бормоқда. Унинг айтишича, у ҳаётини аниқ режалар устига қурган. Ижод, соғлом турмуш тарзи ва спорт учун алоҳида вақт ажратади. Унинг учун ташқи кўриниш алоҳида аҳамиятга эга.
Кармен Делль’Орефис – 89 ёш
Америкалик юлдуз Гиннеснинг рекордлар китобига энг узоқ подиюм карьераси бўлган модель сифатида киритилган. Кармен ёшига нисбатан жуда гўзал ва нафис. У айни дамдаги кўринишидан фахрланади.
Кристи Бринкли – 66 ёш
Кристи қариш нима эканлигини билмайди. У 66 ёшида ҳам 40 ёшдагидек кўринмоқда. Бунинг учун модель фақатгина соғлом турмуш тарзига риоя қилади.
Сюзан Сарандон – 74 ёш
Сюзаннинг 74 ёшида ҳам унга ошиқ бўладиган йигитлар талайгина. Унинг ёшига мос бўлмаган кўриниши аёлни янада жозибали қилиб кўрсатмоқда.
Жейн Сеймур – 69 ёш
Жейн нафақага чиққан тенгдошлари орасида ҳавас қилгудек кўринишда. Барча ҳам силлиқ тери, чиройли қомат, жозибали кўриниш – умуман у каби қаришни орзу қилиши табиий.
Жоан Коллинз – 87 ёш
Жоан 68 йил аввал ўзининг илк дебютини ижро этган. Орадан йиллар ўтса ҳам, унинг кўриниши ўзгаришсиз қолди. Балки бунга унинг ҳаёти сабаб бўлгандир. Сабаби актриса шу ёшга қадар беш маротаба турмушга чиқди. Айни дамдаги турмуш ўртоғи ўзидан 32 ёш кичик.
Даян Китон – 74 ёш
Актрисанинг соғлиғида бир қанча муаммолар бўлса-да, унинг кўриниши ажойиб. 2011 йилда юлдузга тери саратони ташхиси қўйилди ва матонатли актриса уни енгишга муваффақ бўлди. Шу билан бирга, у L’Orealнинг элчисига ҳам айланди.
Сигурни Уивер – 71 ёш
Сигурни ўтаётган йиллар билан курашмайди, барчасини борича қабул қилади. Актриса учун машҳур инсонларнинг ҳаёти умуман қизиқ эмас. Ўзининг ҳаётига ҳам қизиққанлар учун бир хил жавоб қайтаради. Унинг айтишича, у оддий ҳаётда яшайди ва умри давомида бир марта турмушга чиққан.
Шарлотта Ремплинг – 74 ёш
Британиялик актриса ҳам ёш билан курашмайдиганлар қаторига киради, пластик операцияларни умуман ўтказмаган, шунингдек, бошқаларга гўзаллик борасида маслаҳат ҳам бермайди. Барча нарсани борича қабул қилади.
Опра Уинфри – 66 ёш
Телевизион оламнинг «темир хоними» Опра Уинфри аллақачон 66 ёшини қарши олган. У карьераси давомида турли хил услубни синаб кўради, дам озиб, дам семирди. Шундай бўлмасин, у ўз кўринишини сақлаб қолган мафтункор ва ақлли телебошловчи.
Изоҳ (0)