Yengil vazn toifasida UFC chempioni Habib Nurmagomedovning menejeri Ali Abdulaziz mijozlari o‘rtasida kechgan jangdan so‘ng o‘z fikrlari bilan o‘rtoqlashdi.
“Ortda qolgan hafta sog‘liq tomondan qiyin o‘tdi. Shunday bo‘lsa-da, ikki chempion o‘rtasidagi jang o‘tkazildi. Jangchilar meros uchun bellashdi. Bu yigitlar juda qo‘pol hisoblangan sport turida o‘zaro hurmat saqlash mumkinligini ko‘rsatib qo‘ydi.
Oktagonni bo‘lishgan eng yaxshi jangchilar juftligini topish amri mahol. Bunda qatnashgan barchaga rahmat aytmoqchiman. Deyna Uaytga tashakkur aytaman, u pandemiya davrida juda to‘g‘ri harakat qildi. Rizvon ukamga, afsonaviy jangchilarga yordam bergan barcha murabbiylar va sparring sheriklarga rahmat.
Habib ko‘plab insonlarning hayotini yaxshi tomonga o‘zgartirdi. Jastin — sen har bir odam orzusidagi o‘g‘ilsan. Sizlarni yaxshi ko‘raman, yigitlar. Yuqori klass namoyish qilganingizdan mamnunman. Sizlar bilan faxrlanaman”, — deydi Ali Abdulaziz.
Eslatib o‘tamiz, Ali Habib va Getjining menejeri hisoblanadi.
24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
UFC 254 musobaqasi barcha janglarini bu yerda tomosha qilish mumkin — video.
Izoh (0)