UFC prezidenti Deyna Uayt yengil vazn toifasi chempioni Habib Nurmagomedovning Jastin Getji ustidan qozongan g‘alabasi haqida fikr bildirdi.

Foto: Getty Images

“Bilasizmi, hammasi apsetga (kutilmagan natija, favoritning autsayderga yutqazishi — izoh “Daryo”) qarab ketayotgandi. Habibning vazn o‘lchash marosimidagi holati, o‘zini tutishi, jangdan avval chuqur nafas olishi... U o‘zida emas edi — chuqur xo‘rsinar, uf tortardi. Ammo... Shunchaki vau!”, — deydi Uayt.

Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.

UFC 254 musobaqasi barcha janglarini bu yerda tomosha qilish mumkin — video.