Ikkita vazn toifasida UFC sobiq chempioni Jorj Sen-Pyer Habib Nurmagomedovning Jastin Getji ustidan qozongan g‘alabasiga munosabat bildirdi.
“Habibning chiqishi hayron qoldirdi. U juda yaxshi ekanini bilardim, ammo bu qadarligidan xabarim yo‘q edi. U shunchaki aqlbovar qilmas. Habib butkul boshqa darajada harakat qildi”, — deydi Sen-Pyer.
Avvalroq Habib otasining xohishi tufayli 30-jangini Sen-Pyerga qarshi o‘tkazishi va uni mag‘lub etgan holda 30-0 rekord bilan faoliyatini yakunlamoqchi ekanini aytgandi.
Biroq rossiyalik sportchi Getjiga qarshi jangdan keyin bu uning UFC’dagi so‘nggi jangi ekanini ma’lum qildi. Habib faoliyatidagi 29 ta jangning barchasida g‘alaba qozongan holda yengilmas yakkakurashchi maqomida o‘z yurishini to‘xtatdi.
UFC 254 musobaqasi barcha janglarini bu yerda tomosha qilish mumkin — havola.
Izoh (0)