Futbol bo‘yicha Coca-Cola Superliga 21-turida “Qo‘qon-1912” 26-oktabr, dushanba kuni OKMKni qabul qildi.
Uchrashuvda teng kurash kechdi va maydon egalari so‘nggi daqiqalardagi gol evaziga g‘alabani qo‘lga kiritdi. Murod Xolmuhammedov 79-daqiqada uzoq masofadan darvozani aniq nishonga olgan holda jamoasining g‘alabasini ta’minladi.
Ushbu g‘alabadan keyin Baxtiyor Ashurmatov jamoasining ochkolari 38 taga yetdi va ular 4-o‘rinda bormoqda. OKMK esa 42 ochko bilan ikkinchi o‘rinda qoldi.
Qo‘qonliklar keyingi turda “Nasaf” maydoniga safar qilsa, Olmaliq jamoasi “Paxtakor”ni mehmon qiladi.
Coca-Cola Superliga
21-tur bahsi
26-oktabr, dushanba
“Qo‘qon-1912” — OKMK 1:0
Gol: 1:0 – 79 Xolmuhammedov.“Qo‘qon-1912”: Muzaffar Abdullayev, Bobur Akbarov, Suhrob Berdiyev, Quvondiq Ro‘ziyev, Avaz Mamatxo‘jayev, Oybek Rustamov, Muhammadanas Hasanov (Iqbol Malikjonov, 86), Aleksandr Merzlyakov, Ivan Yosovich, Filip Rayevats (Shohnazar Norbekov, 61) (Hamidullo Abduhamidov, 71), Murod Xolmuhammedov.
OKMK: Suhrob Sultonov, Sardor Rahmonov (Dilshod Jo‘rayev, 82), Murod Toshmatov, Sanjar Tursunov, Bahrom Abdurahimov (Shahzod Nurmatov, 63), Mirg‘iyos Sulaymonov, Mate Vatsadze (Jasur Umarov, 74), Yovan Jokich, Bobur Yo‘ldoshev, Arslonmirat Amanov (Elguja Grigalashvili, 63), Husniddin G‘ofurov (Zafar Polvonov, 74).
Ogohlantirishlar: Tursunov (77), Yo‘ldoshev (90+2), Ro‘ziyev (90+2).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)