O‘zbekistonlik yakkakurashchi Liliya Shokirova (8-2) Abu-Dabi shahridagi (BAA) “Jangchilar oroli”da bo‘lib o‘tgan UFC 254 musobaqasida debyut qildi.
Liliya musobaqa asosiy kardida Loren Myorfiga (14-4) qarshi jang qildi. Ikkinchi raundda amerikalik yakkakurashchi bo‘g‘ish usulini qo‘llagan holda Shokirovani taslim etdi.
Shu tariqa Liliya UFC’dagi debyutida mag‘lubiyatga uchradi.
Ma’lumot uchun, Liliya UFC musobaqalari tarixida asosiy kardda jang qilgan ilk o‘zbekistonlik jangchiga aylandi.
Eslatib o‘tamiz, Shokirovaning Myorfiga qarshi jang qilishi bellashuvdan bir necha kun avval aniq bo‘ldi. Myorfining raqibida koronavirus aniqlangach, UFC bilan shartnoma imzolagan Liliya uning o‘rnini egallagandi. Myorfi mutlaq yengil vazn toifasi reytingida 4-o‘rinda bormoqda.
Shokirova ishtirokidagi jang va UFC 254 musobaqasidagi barcha janglarni bu yerda tomosha qilish mumkin — havola
Izoh (0)