Abu-Dabi shahridagi (BAA) “Jangchilar oroli”da UFC 254 musobaqasi bo‘lib o‘tmoqda.
Musobaqa doirasidagi dastlabki janglarning birida qozog‘istonlik yakkakurashchi Shavkat Rahmonov (13-0) UFC’dagi debyutini o‘tkazdi.
Rahmonov 33 yoshli Aleks Oliveyraga (22-9-1) qarshi jang qildi va birinchi raunddayoq bo‘g‘ish usulini qo‘llagan holda raqibini taslim etdi.
Rahmonov ishtirokidagi va UFC 254 musobaqasidagi barcha janglarini bu yerda tomosha qilish mumkin — havola
Shu tariqa UFC tarixidagi ilk qozog‘istonlik jangchi promoushendagi debyutini g‘alaba bilan boshladi.
Qayd etish joiz, Shavkat Rahmonov 1994-yil 23-oktabrda Surxondaryo viloyatining Sho‘rchi shahrida tug‘ilgan. U 2011-yil Qozog‘istonga ko‘chib borgan. Avval Turkiston, Qarag‘anda viloyatlarida istiqomat qilgan. So‘ngra Ko‘kchatauga ko‘chib, “Ko‘kcha” akademiyasida ta’lim olgan. MMA’ga qadar boks, sambo hamda jiu-jitsu bilan shug‘ullangan. 2014-yilda esa MMA’da ilk jangini o‘tkazgan. U intervyularida O‘zbekistonda tug‘ilganini ta’kidlab, aslida qozoq millatiga mansubligini qayd etadi.
UFC 254 musobaqasining matnli translyatsiyasini ushbu sahifada kuzatib boring.
Izoh (0)