Саудия Арабистони шаҳзодаси Ал-Валид ибн Ҳолид ал-Сауд 15 йиллик комадан сўнг қўлини қимирлатиб қўйди ва интернетда катта шов-шувларга сабаб бўлди. Тиббиёт ходими томонидан тасвирга олинган видео Twitter’да 200 минг мартага яқин томоша қилинган, деб ёзади Daily Mail.
Видеода шифокор шаҳзодага мурожаат қилиб, қўлини қимирлатиб қўйишни сўраган. Унинг овозини эшитган Ал-Валид бармоқларини қимирлата бошлаган. Аёл тўхтамасликни ва қўлини юқорига кўтаришни сўраган. Шаҳзода унинг гапларига кириб, кафтини каравотдан юқорига кўтарган. «Жуда яхши!», — дея мақтаб қўяди шифокор.
https://twitter.com/Nora_bnt_Talal/status/1318073685291503616
Шаҳзода Ал-Валид 2005 йили ҳарбий коллежда ўқиётганида аварияга учраган. Миясига қон қуйилиши оқибатида у комага тушиб қолган. Ўшандан буён у ўпкани сунъий нафас олдириш аппаратига уланган. ЙТҲдан сўнг шифокорлар Ал-Валидга мия ўлими ташхисини қўйган. Бироқ унинг отаси Жалед ибн Талол ўғлининг соғайишига бўлган умидини йўқотмаган ва даволанишни тўхтатишдан бош тортган.
Тахминан, беш йиллар олдин шаҳзода касалхонадан уйига олиб келинган бўлиб, бу ерда ҳам у шифокорлар назорати остида. Бир йил олдин оила расман Ал-Валид овозларни эшитиб, қимирлай бошлаганини маълум қилганди. «Жонини ўн йилдан ортиқ сақланган Аллоҳ уни яна ҳаётга қайтариши мумкин», — деган эди шаҳзоданинг отаси.
42 ёшли шаҳзода Ал-Валид Саудия Арабистони подшоҳлик оиласининг аъзоси бўлиб, тадбиркор ва инвестор сифатида танилган.
Мавзуга доир: Германияда 27 йил комада ётган БААлик аёл кўзини очди
Изоҳ (0)