24—25-oktabr sanasida Yevropa futbolida shu qadar voqeliklar ko‘pki, ularni birma-bir sanash biroz vaqt oladi. Ammo ular ichida futbol ixlosmandlarinining e’tiborini chetda qoldirmaydiganlaridan biri, shubhasiz, Angliya Premyer Ligasi 6-turidan o‘rin olgan markaziy bahs — “Manchester Yunayted”—“Chelsi” to‘qnashuvidir. Quyidagilarning barchasi esa shu o‘yinga oid bo‘ladi.
Jamoalarning holati
“Manchester Yunayted”Angliyada yangi mavsum boshidan beri eng ko‘p muhokamalar markazida bo‘layotgan klub — “Manchester Yunayted”dir. “Qizil iblislar” avvaliga “Kristal Pelas”ga 1:3 hisobida yutqazib, o‘z muxlislari oldida uyatga qoldi. “Brayton”ga qarshi uchrashuv esa o‘yindan so‘ng belgilangan penalti bilan esda qoldi. Hammasidan ham “Tottenhem”dan qabul qilib olingan, 1:6 hisobidagi qaqshatqich mag‘lubiyat o‘tib tushdi. Bu holatlarning barchasi “Yunayted”ning voqealar markazida bo‘lishini ta’minlagani ham ayni haqiqat. “Nyukasl” bilan o‘yindagi g‘alaba (4:1) esa muxlislarga biroz taskin bergan bo‘lsa, Chempionlar Ligasida PSJning safarda mag‘lub etilishi (2:1) ularga umidni qaytaribgina qolmay, bosh murabbiy Sulsherning qimirlab qolgan kursisini yana o‘z holiga qaytargandek bo‘ldi. “Chelsi”ga qarshi o‘yin esa nafaqat futbolchilar, balki Sulsher uchun ham muxlislar va rahbariyat oldida yuzi yorug‘ bo‘lishi uchun katta imkoniyatdek ko‘rinmoqda.
“Chelsi”
Frenk Lempard boshchilik qilayotgan London jamoasining tarkibiga uncha-munchasi havas qilayotgan bo‘lsa ham, ammo uning o‘yini va musobaqa jadvalida egallab turgan o‘rni haqida bunday deb bo‘lmaydi. “Chelsi” o‘z tarkibini mavsum avvalida Hakim Ziyosh, Kai Haverts, Timo Verner, Tiago Silva, Chilluel kabi futbolchilar bilan to‘ldirib oldi. Qovunlar tushiraverib umidni oqlamgan darvozabon Kepaning o‘rniga Eduard Mendi ham olib kelindi. Biroq hozir “Chelsi”ning o‘yinini barqaror emasligini u qayd etayotgan natijalar ham ko‘rsatib turibdi. Sermahsullik borasida gap bo‘lishi mumkin emas. Ammo himoya chizig‘ida xatolar keragidan ko‘pligi ko‘rinib qolishda davom etmoqda. “Vest Bromvich” va “Sauthempton”ga qarshi bahslardagi 3:3 hisoblari hali himoyada qilinadigan ishlar juda ham ko‘pligini ko‘rsatib turibdi.
Jamoalarning APL 5-turidan so‘ng musobaqa jadvalidagi o‘rni esa quyidagicha: “Chelsi” 8 ochko bilan 9-o‘rinda bormoqda. Bitta kam o‘yin o‘tkazgan “Manchester Yunayted” esa 6 ochkosi bilan 15-o‘rindan joy olgan.
Statistika
“Manchester Yunayted”—“Chelsi” qarama-qarshiligi statistikasi
O‘zaro o‘yin — 188“Man Yunayted”da g‘alaba — 78“Chelsi”da g‘alaba — 54Durang — 56To‘plar nisbat — 297:227“Man Yunayted”ning eng yirik g‘alabasi — 6:0“Chelsi”ning eng yirik g‘alabasi — 5:0
Yo‘qotishlar haqida
Antoni Marsiyal va Erik Bayini hisobga olmasa “Manchester Yunayted” safida katta yo‘qotishlar yo‘q. PSJga qarshi o‘yinga olib ketilmagan Edinson Kavani esa londonliklarga qarshi bahsda jamoasiga yordam berishi mumkin. “Chelsi”da ham kadrlar muammosi yo‘q. Faqatgina Billi Gilmor jamoasiga yordam bera olmaydi, xolos.Taxminiy tarkiblar
“Manchester Yunayted”: De Xea, Maguayr, Lindelyog, Uan-Bissaka, Telles, Pogba, Maktominey, Brunu Fernandesh, Mata, Reshford, Jeyms.
“Chelsi”: Mendi, Silva, Zuma, Chiluell, Aspilikueta, Kante, Jorjinyo, Haverts, Maunt, Pulishich, Verner.
APL6-tur bahsi24-oktabr, shanba
“Manchester Yunayted”—“Chelsi” 21:30
Izoh (0)