AQShda 50 milliondan ko‘proq saylovchilar prezidentlik saylovlarida muddatidan avval ovoz berdi. Bu haqda United States Elections Project ma’lumot bergan.
Saylovchilarning 35,3 millioni pochta orqali 15,6 millioni esa saylov uchastkalariga kelib saylovlarda qatnashgan.
Saylovchilarning umumiy soni 150 million nafarni tashkil qiluvchi AQSh prezidentligi uchun saylovlarda ro‘yxatga olinganlarning taxminan chorak qismi ovoz berib bo‘lgan. Bu AQSh tarixidagi prezidentlik saylovlarida ishtirok etish borasida yangi rekord.
Muddatidan ilgari ovoz bergan fuqarolar soni bo‘yicha Texas yetakchilik qilmoqda, u yerda 6,4 million aholi saylovlarda ishtirok etib bo‘lgan. Kaliforniya hamda Florida ham yetakchi shtatlar qatorida, mos ravishda 5,8 million va 4,8 million aholi o‘z ovozini berib bo‘lgan.
Avval amaldagi prezident va saylovlarda nomzod sifatida ikkinchi muddat uchun ishtirok etayotgan Donald Tramp g‘alaba qozonmoqchi ekani, hukumat boshqaruvini topshirishni istamasligini aytgandi. AQSh yetakchisi raqobatchisi Jo Baydenning demokratlar partiyasini – “manyak”lar deb atagan.Eslatib o‘tamiz, AQShda prezidentlik saylovlari 2020-yilning 3-noyabr kuni bo‘lib o‘tadi.
Izoh (0)