Amerikalik yakkakurashchi Jastin Getji (22-2) yengil vazn toifasida UFC chempioni Habib Nurmagomedovning (28-0) kurash usullariga qay tariqa qarshi kurashishini aytdi.
“Hayotdan misol keltirsak, agar bir kishi meni ushlab, harakatsiz qoldira olsa, ikkinchisi men bilan istalgan ishni qilishi va g‘alaba qozonishi mumkin. Shunday ekan, hayotda bo‘lgani kabi bu ishga yo‘l qo‘yib bermaslik kerak.
Jangda Habib meni ushlay olmasligi uchun barcha ishni qilaman. Maksimal darajada agressiv bo‘laman, tavakkal qilaman va unga bu ishni qilishga yo‘l qo‘ymayman”, — deydi Getji.
Habib Nurmagomedov va Jastin Getji o‘rtasidagi jang 24-oktabr oqshomida BAAdagi “Jangchilar oroli”da o‘tkaziladigan UFC 254 musobaqasining asosiy voqeasi bo‘ladi. Qayd etish joiz, UFC 254 musobaqasida o‘zbekistonlik Liliya Shokirova ham ishtirok etadi. Ushbu musobaqani bu yerda tomosha qilish mumkin — havola.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)