Футбол бўйича Coca-Cola Суперлига 20-турида «Локомотив» 23 октябрь, жума куни «Қизилқум» майдонига сафар қилди.
Биринчи бўлим якунланиши арафасида майдон эгалари пенальти тепиш имкониятига эга бўлди. 11 метрлик жарима зарбасини Ойбек Қиличев муваффақиятли ижро этди.
Иккинчи бўлим ҳам тенг курашлар остида бошланди, бўлим охирига бориб «темир йўлчилар» босимни оширди. Ҳужумлардан бири 78-дақиқага келиб ўз самарасини берди: Темурхўжа Абдухолиқов ўзининг аниқ зарбаси билан мувозанатни тиклади.
20-турдан кейин «Локомотив» 26 очко билан 7-ўринда бормоқда, «Қизилқум» (18) 11-поғонадан жой олган.
«Қизилқум» кейинги турда «Андижон» майдонига сафар қилса, «Локомотив» жамоаси «Сурхон»га қарши баҳс юритади.
Coca-Cola Суперлига
20-тур баҳси
23 октябрь, жума
«Қизилқум» — «Локомотив» 1:1
Голлар: 1:0 – 45, пенальти Қиличев, 1:1 – 78 Абдухолиқов.«Қизилқум»: Игнатий Нестеров, Владислав Касминин, Эркин Бойдуллаев, Ойбек Қиличев, Руслан Маргиев (Жасур Азимов, 71), Алишер Саноев, Салим Мустафоев, Шерали Жўраев, Иброҳим Томива, Олег Толмасов, Жамшид Ҳасанов.
«Локомотив»: Жавоҳир Илёсов, Жаҳонгир Абдумўминов, Славко Дамянович, Кирилл Погребняк (Жавоҳир Алижонов, 70), Марат Бикмаев (Азизбек Амонов, 51), Темурхўжа Абдухолиқов, Ғулом Ҳайдар Ғуломов, Дилшоджон Комилов, Шерзод Файзиев, Жалолиддин Жумабоев, Диёржон Туропов.
Огоҳлантиришлар: Абдумўминов (44), Бойдуллаев (81).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)